中華滙館 (Closed)

今日難得陪下屋企人，黎左中環食佢地最愛嘅中菜~餐廳裝潢古典氣息濃烈，佈置及餐具亦非常別緻，當晚更見到有不少外國客人 慕名而來。清炒河蝦仁 ❤️蝦仁鮮甜彈牙，調味亦做得唔錯，即是唔加醋食，都非常好食！ 配搭松子， 食落更有口感~黑松露野菌炒清蒸石班球❤️黑松露香氣四溢， 炒得非常爽口嘅野菌配搭質感嫩滑嘅石斑球， 食落層次豐富，而且非常夠味！八寶鴨❤️一味非常考功夫嘅中式菜，需要將薏米、瑤柱、蛋黃 鴨肉等食材塞進鴨肚內一同烹調，煙韌的薏米吸滿的各種配料同肉汁嘅精華，味道濃郁非常。以為咁大隻鴨年紀總有一點，但食落去一啲都唔老，嫩滑嘅肉質同時亦有肉汁，啖啖肉足夠滿足食肉獸！蝦籽柚皮❤️柚皮入口即化，好綿滑而且無半點嘅青澀味，伴着面層 鮮香嘅蝦籽一齊食， 有鮮味有肉香！甜點：馬拉糕芝麻糕❤️值得一讚嘅甜點馬拉糕非常鬆軟， 帶著淡淡嘅奶黃味同蛋黃香，仲要係新鮮熱辣！芝麻糕有非常香嘅芝麻味，而且甜度適中食落一啲都唔會膩~