稻埕飯店 (V Point) (Closed)

今日一家大細嚟行街買衫，順便去買宜家傢俬揀番啲組裝傢俬。行到六點幾，啊仔推介黎呢一間中菜廳食飯 。一入餐廳嘅環境相當寬敞，又別具特色。前台、主菜、飲品都非常之有驚喜。主菜方面： 文姐極力推介鹽酥波士頓龍蝦脆角豆金瓜，因為屋企好少煮，二來餐廳呢道菜式嘅配搭亦都相當吸引。鹽酥後嘅波士頓龍蝦都食得出鮮甜，啖啖肉，蔬果作為配菜都唔會遜色，特別係秋葵令人難以接受嘅口感都被炸香了，香脆可口！另外阿女就揀咗個黑松露鮮百合花，黑松露份量頗多而且好香，牛油味道超級濃郁，百合入口非常綿滑。啊仔揀嘅鐵板一口鵝肝牛小排，入口感覺較肥美，脂肪感比較重，牛肉亦係意想不到的柔軟。當中亦都揀咗一大鍋蟹肉蛋白泡泡脆米金湯 ，四人分享。每人都可以飲到一碗半，南瓜味道好棉密，加入埋貝柱、蟹肉、蝦仁令到呢碗湯更加鮮甜！而老公就一定要一碗飯落肚，所以亦都叫咗餐廳職員推介嘅八斗子炒飯，除咗可以中和下啲油膩感之外，當然係飽肚之選！飲品方面老公點的Guava see breeze ，以台灣盛產的番石榴，配上Vodka，入口不會太濃烈。我就揀咗一杯比較養生嘅紅棗桂圓杞子米水，入口濃郁清香。