Video
Read full review
2022-10-20
20 views
黃埔茶木，值得推介！第一次去依黃埔食茶木，好耐無黎過，有印象就記得係好有日本風既嗰棟黃埔天地美食坊!上到一樓盡頭就係啦！一望到個環境係覺得，嘩！咁靚既，好舒服，連等位既地方都有設計過，亦有高壓沖茶既機，十分期待！平日我去得早都唔洗等位住！最後叫咗個二人餐，覺得都幾扺食！1. 兩個小食叫咗路邊攤小食同埋櫻花蝦娃娃菜，個菜細細地但個湯好香，蝦都幾夾！而個鹽酥雞炸得香口得黎唔太油，啲腸同丸都正常發揮地好食。2. 主食就叫咗紅燒牛肉面同埋茶香三文魚湯漬飯3. 紅燒牛肉面：好大舊牛肉！好夠冧，裡面骨膠原都好重，個湯香而不咸，鐘意食台式牛肉面會覺得好滿意！4. 茶香三文魚湯漬飯係今次至愛！首先就當然係茶木既一貫極靚擺盤！佢紫菜絲下面有塊靚三文魚加飯底，有櫻花蝦、木魚片、爆米粒三款配粒，自己揀點放！再加湯落去！清新、好玩、健康好食！同朋友黎食又有得玩，又打卡able! 同埋我自己就不嬲鐘意茶漬飯既。5. 飲品咁岩做緊promo! 佢有幾款主題店限定既飲品，跟餐只係需要加$12蚊就有，叫咗個巨蜂烏龍茶，一上枱又係驚艷到！好靚既攞盤，個茶都香、清甜、冇澀味。另外仲有杯拿鐵，都好靚。6. 最後當然一定要叫
上到一樓盡頭就係啦！一望到個環境係覺得，嘩！咁靚既，好舒服，連等位既地方都有設計過，亦有高壓沖茶既機，十分期待！平日我去得早都唔洗等位住！
最後叫咗個二人餐，覺得都幾扺食！
1. 兩個小食叫咗路邊攤小食同埋櫻花蝦娃娃菜，個菜細細地但個湯好香，蝦都幾夾！而個鹽酥雞炸得香口得黎唔太油，啲腸同丸都正常發揮地好食。
2. 主食就叫咗紅燒牛肉面同埋茶香三文魚湯漬飯
3. 紅燒牛肉面：好大舊牛肉！好夠冧，裡面骨膠原都好重，個湯香而不咸，鐘意食台式牛肉面會覺得好滿意！
4. 茶香三文魚湯漬飯係今次至愛！首先就當然係茶木既一貫極靚擺盤！佢紫菜絲下面有塊靚三文魚加飯底，有櫻花蝦、木魚片、爆米粒三款配粒，自己揀點放！再加湯落去！清新、好玩、健康好食！同朋友黎食又有得玩，又打卡able! 同埋我自己就不嬲鐘意茶漬飯既。
5. 飲品咁岩做緊promo! 佢有幾款主題店限定既飲品，跟餐只係需要加$12蚊就有，叫咗個巨蜂烏龍茶，一上枱又係驚艷到！好靚既攞盤，個茶都香、清甜、冇澀味。另外仲有杯拿鐵，都好靚。
6. 最後當然一定要叫甜品，除咗跟餐個可頌窩夫（都唔錯）外，再叫咗個抹茶流心歐軟！依個流心歐軟可以話係茶木成名作！要切開面包中間既包肉，再放cream同抹茶醬，面頭水果切都好靚加哈根大師冇得輸既抹茶雪糕！好似抹茶fountain咁幫啲水果點抹茶醬！視覺同埋味覺都十分滿足！
7. 順帶一提！ 服務都好好！
Post
