i CREMERiA Café (Closed)

系旺角買完野，想食埋個晚餐先返屋企，於是去左朗豪坊既food court 睇下有咩好食，果度原來開左間食雪糕甜品店(之後聽食客講原來哩度既雪糕係非常之出名)，見到透明玻璃櫃內的精緻蛋糕，巳好吸引，佢仲有Set Dinner食,一於幫親下先，叫左個意式香腸意大利麵，可配忌廉湯或沙律，包埋飲品，都系$98，都算好抵，系門口位置落完單比完錢後，店員會比個號碼牌你，跟住就可以行過小小的餐廳內位置自己搵位坐，大概過左十分鐘左右，店員便捧住食物送過來給你，一看見美味的食物，加上一杯小花系當中，即刻覺得整盤食物都非常優雅。店員放低整盤食物後，我便忍唔住不斷地拍照，首先飲個忌廉粟米蓉湯先，嘩，好滑，有牛奶的味道，粟米打得好幼細，配埋旁邊軟軟地既麵包，更加正。跟住開始食個意粉，有好多材料系當中，包括有兩款德國腸、車厘茄、意大利瓜、香草、芝士和蒜片，味道好夠，有點辣辣地，好野味配埋杯清新檸檬茶，成個晚餐就食完。