Read full review
2022-11-03
492 views
海港城嘅呢一間SAVVY,經過見到門面十分神秘,就算上網睇都唔係好清楚裏面大概係點,今日就膽粗粗咁去咗試吓呢間西餐廳,原來呢間餐廳係有三個唔同嘅區域串連而成,有時尚嘅酒吧,特色嘅酒廊,同埋餐廳,佢哋仲有兩間VIP房,非常適合私人活動同聚餐😆佢裏面嘅面積超大,由門口行到去餐廳盡頭嘅窗口座位,足足經過晒唔同嘅區域,可以望到餐廳既運作,我哋今日就試咗幾款菜式,佢哋嘅菜式都好國際化,種類都非常多,包括有🦐Tandoori Tiger King Prawns $140 :有兩隻大虎蝦,另外配咗薄荷醬再加薄餅,呢個菜式有啲似印度菜,配搭幾新穎,虎蝦嘅肉質新鮮爽口,經過醃製再煎煮,令到蝦肉非常入味,仲非常細心幫你拆開蝦殼,另外薄餅嘅皮都軟熟,整體唔錯👍🏻💎Braised 6-head Abalone in Oyster sauce $138/1 :我哋叫咗兩份六頭鮑魚,佢嘅鮑魚用左蠔油炆煮,食落非常有咬口,好煙韌,唔會過熟,但我覺得唔夠入味,擺盤都有啲普通😅🐑Milk-Fed Lamb Chop $298 :主菜方面,我哋叫咗羊扒五成熟,佢烤到剛剛好,仲有啲微粉紅,超厚肉,份量唔惹少,肉質好嫩,羊味
佢裏面嘅面積超大,由門口行到去餐廳盡頭嘅窗口座位,足足經過晒唔同嘅區域,可以望到餐廳既運作,我哋今日就試咗幾款菜式,佢哋嘅菜式都好國際化,種類都非常多,包括有
🦐Tandoori Tiger King Prawns $140 :有兩隻大虎蝦,另外配咗薄荷醬再加薄餅,呢個菜式有啲似印度菜,配搭幾新穎,虎蝦嘅肉質新鮮爽口,經過醃製再煎煮,令到蝦肉非常入味,仲非常細心幫你拆開蝦殼,另外薄餅嘅皮都軟熟,整體唔錯👍🏻
💎Braised 6-head Abalone in Oyster sauce $138/1 :我哋叫咗兩份六頭鮑魚,佢嘅鮑魚用左蠔油炆煮,食落非常有咬口,好煙韌,唔會過熟,但我覺得唔夠入味,擺盤都有啲普通😅
🐑Milk-Fed Lamb Chop $298 :主菜方面,我哋叫咗羊扒五成熟,佢烤到剛剛好,仲有啲微粉紅,超厚肉,份量唔惹少,肉質好嫩,羊味蘇得嚟啱啱好,雖然只得兩件,但因為脂肪比較少,所以啖啖肉,佢另外配咗薯蓉底,迷迭香汁同雜菜絲,二人分量剛剛好😋😋
🍹Purple Love $98 :呢一杯Mocktails裏面有提子同蘋果汁,另外加咗少少檸檬汁同焦糖醬點綴,味道幾特別😆,賣相都唔錯
🍷Chateau Miraval Rose $128 :Rose既香檳唔係度度都有,佢呢度嘅酒類非常多,呢杯都唔錯,唔會太酸同澀
🥭Mango Sticky Rice $88 :最後我哋揀咗芒果糯米飯做甜品,但我對呢個甜品非常失望,佢嘅份量真係好少,雖然擺盤唔錯,但佢嘅芒果薄切到一個點,拼埋都唔知有冇¼個芒果,而佢嘅糯米飯都非常細份,面層係雲呢拿雪糕,好唔抵😩
Post