花楽 (翩滙坊) (Closed)

花楽將軍澳唐俊街21號翩滙坊地下G23號舖今日放假去開將軍澳個DONKI，就順便喺附近食埋飯先返屋企，之前見過呢間餐廳下午茶非常精美，可惜已經夜晚冇得再叫 不過都入去試下先😛一入到去我哋就見到隔離枱叫咗份牛油果軟殼蟹卷，非常精美，嗱嗱聲order都叫一份先，另外就再叫咗啲前菜同埋主食首先嚟咗鱈魚乾同埋蟹籽沙律，魚乾焗得香脆，沾上沙律醬食更加突出魚味。而蟹籽沙律，蟹籽比得好大方，加埋蟹柳同青瓜食好fresh，食咗呢兩度前菜，我哋都覺得好開胃呀之後就到牛油果軟殼蟹卷，一嚟到我哋都哇一聲，排得非常之靚呀，牛油果上面仲有金箔同埋魚子醬，香脆嘅軟殼蟹配上軟滑嘅牛油果食，口感好特別，呢份卷物亦都係我哋覺得全晚最好食嘅嘢另外小食，我哋叫咗清酒煮蜆同埋炸軟殼蟹天婦羅，蜆肉份量多，而且都粒粒大隻好新鮮，炸軟殼蟹天婦羅嘅蟹肉非常之鮮甜，餐廳除咗俾咗天婦羅汁，都俾咗鹽同埋蘿蔔蓉我哋沾，不過本身蟹肉已經好有鮮味，所以我哋都冇乜點到我哋叫咗四色雞肉串，四條雞肉都分別有唔同嘅味道，有明太子，黑松露，紫蘇梅同蜜糖芥末味，四隻味都好有特色，我哋就最鍾意黑松露味，非常濃郁最後就叫咗碟和牛炒飯，和牛粒入口即溶，配埋炸蒜，