Video
Read full review
2009-08-11
13 views
11.8.09見係新開, 好奇去左試下揀左$168放題, $138係冇得食刺身入到去個裝修同舊個時(紅山)都差不多, 冇乜點新鮮去到時大約6點幾, 入面都唔係坐左好多人野食款式都係一般la....刺身食過三文魚,吞拿魚,八爪魚,"魚立"魚,北寄貝三文魚都幾肥, 吞拿魚都算新算, 顏色好深紅八爪魚都幾爽, "魚立"魚就唔係好得...有根....壽司好彩唔係叫左好多件, d飯酸到爆手卷叫左軟殼蟹, 但係只覺得係成舊粉, 同埋又係d飯好酸天婦羅個皮好厚,好硬同埋好多油......又冇平時食天婦羅個d汁........叫左個芒果蟹子沙律....芒果細粒而且極少...下面d又唔係蘿白又唔係青瓜既野超多....係冇味真係頂唔落, 沙律醬都好少, 叫人點食?叫左炸芝士, 又唔講冇, 吹左幾次先講中段開始多人, 但係d野黎到好慢, 一係又冇叫個d就黎d野食上到亂晒....叫左個d又去左隔離枱....好混亂漏單漏到離晒譜, 同一張紙上既野可以黎d唔黎d鹽燒雞軟骨一d都唔咸, 好淡好難食....真係食唔到咸味清酒煮蜆都幾大隻幾乾淨可惜一d清酒味都食唔出, 又係淡, 同烚蜆差不多枝豆係熱上, 我冇食到, 個
見係新開, 好奇去左試下
揀左$168放題, $138係冇得食刺身
入到去個裝修同舊個時(紅山)都差不多, 冇乜點新鮮
去到時大約6點幾, 入面都唔係坐左好多人
野食款式都係一般la....
刺身食過三文魚,吞拿魚,八爪魚,"魚立"魚,北寄貝
三文魚都幾肥, 吞拿魚都算新算, 顏色好深紅
八爪魚都幾爽, "魚立"魚就唔係好得...有根....
壽司好彩唔係叫左好多件, d飯酸到爆
手卷叫左軟殼蟹, 但係只覺得係成舊粉, 同埋又係d飯好酸
天婦羅個皮好厚,好硬同埋好多油......
又冇平時食天婦羅個d汁........
叫左個芒果蟹子沙律....芒果細粒而且極少...
下面d又唔係蘿白又唔係青瓜既野超多....係冇味
真係頂唔落, 沙律醬都好少, 叫人點食?
叫左炸芝士, 又唔講冇, 吹左幾次先講
中段開始多人, 但係d野黎到好慢, 一係又冇叫個d就黎
d野食上到亂晒....叫左個d又去左隔離枱....好混亂
漏單漏到離晒譜, 同一張紙上既野可以黎d唔黎d
鹽燒雞軟骨一d都唔咸, 好淡好難食....真係食唔到咸味
清酒煮蜆都幾大隻幾乾淨
可惜一d清酒味都食唔出, 又係淡, 同烚蜆差不多
枝豆係熱上, 我冇食到, 個樣係青綠色
a款放題送左個鮑魚...size ok大的
但係係冇叉既環境下真係好難整個殼出黎...食得好艱難
d侍應係旁邊睇住你整, 又唔出聲話拎叉比你.....咩事
整完一番當然係對眼下既鮑魚有所期待.....
但食落係凍的.....但原隻鮑魚凍食感覺好怪
加上個味, 酒味得黎又甜甜地....完全係怪味....浪費左隻鮑魚....
個人會鍾意熱食鮑魚多dd....
炸銀雪魚柳個樣似吉列豬扒......咬入去薄過一張紙....完全食唔到銀雪魚味
吉列炸蠔....硬到石頭咁....咬落去陣味仲好似臭左咁, 個皮又係好厚
蟹肉忌廉薯餅, 同味千個種一樣味, 但都係炸得硬左d
鹽燒鮮冬菇串, 呢樣最離譜....好似食碳咁
個菇燶到冇晒汁....黑晒, 真係有燶味tim
汁燒和牛串, 正常人都以為係一串牛肉吧...
但佢只係得兩粒....中間係車厘茄同埋d青椒.......
呢度服務唔係唔好, 只係收碟太密, 有d煩
d野都未食晒d侍應已經好似急不及待想收碟
明明個碟係乜都冇, 點解仲問我要唔要??
我都明係禮貌上問, 但一晚食咁多碟野, 次次問就真係煩左少少了
最奇怪係, 我地明明未食完, 亦都冇叫執枱
但個侍應就埋黎收晒枱上既野.....莫名奇妙
我同佢講話d野未黎齊, 佢話佢知, 但想收一收d野
我心諗: 都唔係食得好污糟, 會唔會太浪費左d呀??
收野真係咁重要??唔可以係適當d時候收碟咩??
唔通嫌d"薦枱紙"同木筷子太多咩......
收左d碟就咁擺係近廁所既條通道
條通道就窄上加窄....而且感覺成地都係好污糟....
每位送甜品, 傳單上寫既都有成十樣
但問佢拎時就只係得綠茶雪糕一樣....
都幾失望..... 兩人埋單$370....應該都冇下次了
Post