Video
Read full review
2024-02-17
78 views
用餐時間（8:32pm dinner）follow@wojengyea/@wo!正嘢 for more food info🐒 支持我哋發掘更多美食 😋 食過元朗總店雞煲幾次，知佢喺屯門開咗分店，過嚟試一試。屯門呢邊有埋生醃同埋刺身食，不過主要食佢個雞煲為主。8:30pm後入座食夠$500可以減$100，呢個優惠幾抵。💰之前試過食佢雞煲加鮑魚都出色，今次試吓加牛柏葉。佢個雞煲醬好濃味，用以下材料起鑊；蒜頭🧄、紅洋蔥🧅、芫荽🍀、四季豆、老姜、豆蔻、檸檬葉🍋、黑木耳。最估唔到就係佢加咗檸檬葉，令成個雞煲帶來一絲絲清新嘅感覺，感覺冇咁肥膩。叫咗半份爆汁牛筋丸，真係爆汁濃郁，好重牛味🐮，半份真係唔夠。另外試埋佢個胡椒豬肚丸，都好食。即炸餐肉條有驚喜，屋企自己整唔到，亦都唔會咁樣食，好味！油麥菜好新鮮，而且洗得好乾淨，賣$28都算平。🥬食濃味雞煲通常配啤酒，不過比呢度啲嘢飲吸引咗。佢啲鮮製凍飲都用Hoegaarden大啤酒杯裝。我哋嗌咗珍寶凍檸樂& 珍寶多果茶。前者正常發揮，多果茶有多種水果；西瓜🍉、青檸、西柚、菠蘿🍍、香橙🍊、火龍果，仲有好L多冰。（叫咗少冰走飲管都冇理到🥊🥊）餐廳氛圍地方比元朗
follow@wojengyea/@wo!正嘢 for more food info🐒 支持我哋發掘更多美食 😋
食過元朗總店雞煲幾次，知佢喺屯門開咗分店，過嚟試一試。屯門呢邊有埋生醃同埋刺身食，不過主要食佢個雞煲為主。8:30pm後入座食夠$500可以減$100，呢個優惠幾抵。💰
之前試過食佢雞煲加鮑魚都出色，今次試吓加牛柏葉。佢個雞煲醬好濃味，用以下材料起鑊；蒜頭🧄、紅洋蔥🧅、芫荽🍀、四季豆、老姜、豆蔻、檸檬葉🍋、黑木耳。最估唔到就係佢加咗檸檬葉，令成個雞煲帶來一絲絲清新嘅感覺，感覺冇咁肥膩。
叫咗半份爆汁牛筋丸，真係爆汁濃郁，好重牛味🐮，半份真係唔夠。另外試埋佢個胡椒豬肚丸，都好食。即炸餐肉條有驚喜，屋企自己整唔到，亦都唔會咁樣食，好味！油麥菜好新鮮，而且洗得好乾淨，賣$28都算平。🥬食濃味雞煲通常配啤酒，不過比呢度啲嘢飲吸引咗。
佢啲鮮製凍飲都用Hoegaarden大啤酒杯裝。我哋嗌咗珍寶凍檸樂& 珍寶多果茶。前者正常發揮，多果茶有多種水果；西瓜🍉、青檸、西柚、菠蘿🍍、香橙🍊、火龍果，仲有好L多冰。（叫咗少冰走飲管都冇理到🥊🥊）餐廳氛圍
地方比元朗總店寬敞，不過夥計服務都係鍾意元朗嗰邊多啲，店面細，容易睇到你有咩需要。兩邊員工主動性夠強，會幫你煮雞煲，用隻匙羹𢳂走面頭泡泡啲污糟嘢。琴日新年期間，仲有得抽利是🧧（飲品現金券一張🧃）
2 views
0 likes
0 comments
Post
