Video
Read full review
2022-12-17
27 views
今日和好姊妹慶祝生日，可惜我大安旨意冇 booking黎到時剛休息冇得食 Tea set，唯有晚市再來, 好彩我堅持再返嚟，否則食唔到咁好味的食物，真係會深深不忿😅先講吓大廚嘅來歷，原來大廚之前係喺五星級酒店做超過20年西廚經驗，一路只係幫老闆作嫁衣裳，而家自己嘗試開小店，咁有heart點會唔支持。呢度嘅水準之高，加食物質素、價錢、絕對比出面平好多，值得回頭👍💪😋入到去老闆娘勁nice 非常有禮貌招呼我哋坐低, 然後冲咗一壺特別調製嘅清香濃都水果茶我飲 very refresh🍵跟住點咗兩個主菜 set dinner先嚟一個頭盤柚子提子乾雜菜沙律 超級新鮮，加上濃厚嘅芝士，淡淡嘅柚子香味，非常清新醒胃。餐湯係甘筍忌廉濃湯，甘筍唔會打到溶曬，飲到粒粒甘笋肉又夠creamy 加埋一個刁草蒜香牛油蒜蓉包，唔會油淋淋兼外脆內唔乾，配湯一起非常之夾👍輪到主菜出場，首先係燕麥啤酒燉紐西蘭羊膝$228賣相已經好靚配菜豐富加上羊鞍燉完之後非常嫩滑加埋南瓜蓉底一齊食，口感豐富，非常美味，但一定要趁熱食👍👍👍👍跟住輪到慢烤美國穀飼豬斧頭扒配（蜜桃芥籽醬）$238斧頭扒超級厚身，面頭仲有焗芝士加蜜桃粒未食已
先講吓大廚嘅來歷，原來大廚之前係喺五星級酒店做超過20年西廚經驗，一路只係幫老闆作嫁衣裳，而家自己嘗試開小店，咁有heart點會唔支持。
呢度嘅水準之高，加食物質素、價錢、絕對比出面平好多，值得回頭👍💪😋
入到去老闆娘勁nice 非常有禮貌招呼我哋坐低, 然後冲咗一壺特別調製嘅清香濃都水果茶我飲 very refresh🍵
跟住點咗兩個主菜 set dinner
先嚟一個頭盤柚子提子乾雜菜沙律 超級新鮮，加上濃厚嘅芝士，淡淡嘅柚子香味，非常清新醒胃。
餐湯係甘筍忌廉濃湯，甘筍唔會打到溶曬，飲到粒粒甘笋肉又夠creamy 加埋一個刁草蒜香牛油蒜蓉包，唔會油淋淋兼外脆內唔乾，配湯一起非常之夾👍
輪到主菜出場，首先係燕麥啤酒燉紐西蘭羊膝$228
賣相已經好靚配菜豐富加上羊鞍燉完之後非常嫩滑加埋南瓜蓉底一齊食，口感豐富，非常美味，但一定要趁熱食👍👍👍👍
跟住輪到慢烤美國穀飼豬斧頭扒配（蜜桃芥籽醬）$238
斧頭扒超級厚身，面頭仲有焗芝士加蜜桃粒未食已經聞到香噴噴，斧頭扒有番咁上下厚度，但係肉質依然嫩滑多肉汁，加埋自家製嘅醬汁同埋蜜桃芥籽醬真係一絕，而配菜方面唔好睇少一個小小嘅焗薯，焗得啱啱好唔會太淋又唔會硬，非常飽肚。😋😋😋😋
最後甜品有大廚最耍家嘅紅酒李子配蛋糕雪糕$98
甜品唔係我點嘅係廚師自由發板，個紅酒浸李係大廚用咗一個星期紅酒浸製非常淋甜入味，酒香滲透曬入個李入面仲有咬口超級抵讚 加埋個杏仁碎雲呢拿雪糕非常滿足。
大廚話下個月餐廳又會轉set dinner 到時再嘗試新菜式。
K＆L Dream Cafe
元朗鳳攸南街9號好順利大廈地下60號鋪
Post
