香蕉仔

Open Now

Now Closed

香蕉仔重開啦，好耐之前食過一次真係非常之難忘好好食，可能係香港最好食嘅香蕉煎餅，最近佢又喺元朗開返，專登去試一試，今次就試咗一個鹹一個甜！講真兩個都好食，只係甜嘅更加出色！招牌香蕉煎餅 $35 (10/10)香脆嘅煎餅，香脆得來係有酥片嘅感覺，食到一層層，入面包住香甜嘅香蕉，加埋招牌朱古力醬煉奶，真心勁好食🥹芝士肉鬆蛋餅 $35一樣都係煎得好香脆，就算係鹹嘅煎餅一樣都唔馬虎，入邊係超級多芝士可以拉絲，表面鋪咗一層鹹香嘅肉鬆，有少少似台式蛋餅，心心心心如果覺得甜太你嘅話食芝士蛋餅都好唔錯！推薦指數: 10/10真心值得支持小店，好好食，留意番小店而家營業嘅時間可能去到九點，留意住佢哋社交平台！