新記雞粥 (鴻禧大廈)

Open Now

Now Closed

😍作為元朗人一定有聽過同食過新記雞粥，最近朋友話想試，仲要試旺角個間，我先發現原來新記以經擴張到旺角、佐敦，甚至筲箕灣。🥣貴妃雞豬潤粥😋嚟得新記點可以唔食雞粥，但係又想食埋豬潤所以叫咗個雙拼。新記粥底超野味，而且煲得好綿，雞同埋豬潤熟程度剛剛好，肉質嫩滑又唔會太韌。🥖炸兩😋食得粥，就一定要配埋炸兩，皮又滑又薄，而且油炸鬼香脆，無論點粥定係加甜醬食都好好食。🦑酥炸魷魚鬚 😋去得新記，一定唔可以淨係食佢嘅粥品，因為佢小食同小菜都同樣出色，魷息鬚炸粉薄，而且炸粉經過調味炸出嚟香口又鬆脆。而且魷魚爽口又唔韌，真係會食到停唔到口。🐔 海蜇手撕雞 😋呢個有少少比佢個名誤導咗，因為主角並唔係手撕雞係海蜇，但其實睇返個價錢都合理嘅。但係味道都好食嘅，海蜇嘅味道偏甜，所以唔食辣嘅朋友都啱食，但係食開辣嘅我就覺得可以辣多少少。🍮紅棗糕　食完好似唔夠喉，所以叫多咗個甜品食，但係估唔到意外地好食！紅棗膏味道完全唔會太甜，而且好重薑汁味。口感煙韌又唔會太黏口。