Video
Read full review
2023-08-24
33 views
原來屋企附近開左間咁Chill既餐廳，環境濶落，樓底高，木黑色格調，好適合三五知己聚一聚，仲可以玩飛標，樓上又有桌球打，最喜歡佢夠開揚唔似一般酒吧咁嘈吵和暗黑，食完都唔會成身一陣味。食物方面我可以用驚喜去形容，無論串燒、炸物、主食、定食都一樣好有水準。🔸唐揚魷魚🦑日式酥炸魷魚鬚，一上枱已傳來炸物混合海鮮既香味。魷魚鬚鬆化回彈力高，可見十分新鮮，味道也恰到好處不過鹹，相當惹味。晚市定食好抵，最平$78就有，主菜以外有沙律、湯、前茶、飲品一杯。🔸吉列黑豚御膳定食豬扒都幾大塊，貼心地用網架上碟，保持表層香脆不泛油，而且夠厚切，一口咬落鬆化嫩滑，保留鮮味肉汁，口感味道都十分好。另附麵豉湯、白飯、沙律菜，簡單清新剛好中和黑豚的滯肚感。🔸西京豬頸肉定食原塊豬頸肉燒香切性，都只係$86，十分抵食，西京燒甜甜地中香豬頸肉既膩，肉質稔軟，油脂豐腴，相當惹味。🔸串燒試了幾款：黑豚腩、雞頸肉、一口牛。黑豚腩燒完好香，油脂同肉平均分佈，食落唔會只係一陣油，甘香味濃。雞頸肉嫩滑，一口牛好有嚼勁，牛味濃郁。一定要試仲有冰燒柚子菠蘿🍍，真係超好味。菠蘿入口冰凍，表層包裹一層晶瑩的柚子味焦糖，有啲似冰糖葫蘆，甜甜地，
食物方面我可以用驚喜去形容，無論串燒、炸物、主食、定食都一樣好有水準。
🔸唐揚魷魚🦑
日式酥炸魷魚鬚，一上枱已傳來炸物混合海鮮既香味。魷魚鬚鬆化回彈力高，可見十分新鮮，味道也恰到好處不過鹹，相當惹味。
晚市定食好抵，最平$78就有，主菜以外有沙律、湯、前茶、飲品一杯。
🔸吉列黑豚御膳定食
豬扒都幾大塊，貼心地用網架上碟，保持表層香脆不泛油，而且夠厚切，一口咬落鬆化嫩滑，保留鮮味肉汁，口感味道都十分好。另附麵豉湯、白飯、沙律菜，簡單清新剛好中和黑豚的滯肚感。
🔸西京豬頸肉定食
原塊豬頸肉燒香切性，都只係$86，十分抵食，西京燒甜甜地中香豬頸肉既膩，肉質稔軟，油脂豐腴，相當惹味。
🔸串燒試了幾款：黑豚腩、雞頸肉、一口牛。黑豚腩燒完好香，油脂同肉平均分佈，食落唔會只係一陣油，甘香味濃。雞頸肉嫩滑，一口牛好有嚼勁，牛味濃郁。
一定要試仲有冰燒柚子菠蘿🍍，真係超好味。菠蘿入口冰凍，表層包裹一層晶瑩的柚子味焦糖，有啲似冰糖葫蘆，甜甜地，菠蘿夠Juicy，做法有心思。
除左飲酒，都可以揀Mocktail🍹, 好多選擇。
🍸Sour Apple Frozen 🍏加入青蘋果汁、檸檬汁、蘋果汁製成沙冰，淡青色夠晒fresh冰涼，味道酸酸地清清地，配濃味食物唔錯。
🍸Passion Fizz 熱情果梳打，唔會太甜，冰涼解渇。
食物好食選擇又多，環境舒服好座又唔嘈吵，服務都幾好，仲係通宵營業，又有得睇波，老公同我食完一次之後就約左啲老友再食過，實行男人的浪漫🤣
Post
