生生市場 (捷榮樓)

Open Now

Now Closed

最近返元朗搵爸爸一齊食飯，佢就話之前親戚買過生生市場嘅外賣覺得幾好食，想再食番，所以我就出去買咗個外賣返屋企因為炸雞都幾出名，所以就試咗兩款炸雞，炸雞嘅粉都比較硬，一款係蜜糖牛油炸雞，一入口就會食到濃嘅牛油味，呢款口味元主要係來自上面嘅粉，粉越多，味道越濃。另一款係蜜糖蒜蓉炸雞，蜜糖味比上一款少啲，蒜頭嘅味道好出，雞都係唔嚡嘅👍炸醬麵：醬汁入面仲有青瓜同埋醃蘿蔔，汁入面會有少量嘅肉碎，麵條比較粗同埋煙靭，幾鍾意呢個口感，面上面仲有一隻蛋可以撈埋蛋汁一齊食海鮮煎餅：仲有豉油可以掂，豉油嘅味道比較鹹，可以吊返海鮮嘅鮮味，最突出嘅會係章魚粒，而餅嘅口感幾濕潤軟腍