生生市場 (捷榮樓)

Open Now

Now Closed

呢排要幫公司物色到會嘅餐廳，咁岩見到呢間專做外賣嘅韓國餐廳。放眼望過去，見到佢好似好多餐牌好多選擇，喺推俾公司之前，自然一定需要試下先。呢度除左熟食，仲有啲生嘅燒肉可以選擇，有啲仲係醃好左，又真係好方便。我地揀左個二人餐，佢個二人餐都好抵食，$200有找已經包左飯卷，湯，炸雞，泡菜同埋飲品，同埋個份量絕對係超多。我想講下佢呢度嘅泡菜有兩款，一款叫原味泡菜，一款叫新鮮泡菜。我地揀左後者，原來係醃制嘅時間冇咁長，味道冇咁咸冇咁酸，我覺得好好味。炸雞我地揀左甜辣醬味，因為外賣都比較遠，所以炸雞俾啲醬整到腍左。但係佢啲雞係好滑嘅，如果熱辣辣即刻食一定勁好味。跟住仲有個烤牛肉紫菜飯卷，呢度係足一條嘅份量，見到啲料都好足，夠晒爽脆，係正嘅。我地揀左個人參雞湯，又係好足料架，有1/4隻雞，呢個除左湯嘅飯之外，再跟左個白飯，所以真係多到食唔晒。另外職員推介左個蛋卷，佢話呢個唔係成日有，但好好味。一試之下又真係好正，我覺得呢款係手工菜嚟，因為佢個蛋捲係由好多好多層做成，中層唔同嘅層數仲要夾左唔同嘅配料，真係好好味。飲品嘅選擇就全部都係韓國直送嘅飲品，有三款果汁同埋一款甜米露揀。試菜結果十分滿意，睇埋佢個

🐽 辣豬肉紫菜飯卷紫菜好香麻油味，入面嘅泡菜豬肉辣得嚟帶少少甜味，飯粒唔會過硬，仲有醃蘿蔔同菠菜增加口感，整體唔會太乾身。最怕啲飯卷散晒，呢度包得幾實淨🐽 甜辣無骨炸雞個醬汁調得幾平衡，甜味先出後勁帶微辣，炸皮夠脆。雞肉本身醃得入味，咬落仲有肉汁。配埋醃白蘿蔔解膩幾一流🐽 雜菜煎蛋卷蛋煎得香滑唔油，入面嘅甘筍絲、洋蔥同菠菜切得夠幼，咬落仲有爽脆感。仲有少少芝麻香吊味。🐽 泡菜煎餅邊位煎到金黃脆口，中間保持煙韌，泡菜粒份量足，酸辣味夠突出。略嫌麵粉感重咗少少，但配埋醋醬油食都算補救到。整體四樣嘢都keep到水準

今晚選擇咗外賣韓式美食，真係滿足到味蕾。呢間生生市場喺元朗已經開咗一段日子，餐牌選擇多樣，最後揀咗套餐同加咗一個韓式炒粉絲。首先，辣豬肉紫菜飯卷內含紅蘿蔔絲、青瓜、辣豬肉同雞蛋，口感層次豐富，每一口都好味 🍙🐷。蘿蔔魚糕湯熱辣辣，魚糕彈牙，湯底清甜中帶少少辛辣，暖胃又開胃 🍲。甜辣無骨炸雞外層脆口，內裏嫩滑，甜辣適中，係炸雞控嘅至愛 🍗🌶。新鮮辣泡菜帶點酸辣，開胃又清新，食韓國菜點可以少得 。韓式炒粉絲彈牙入味，配菜鮮甜，非常滿足 🍝。青葡萄汁同梨汁味道清甜解渴，令整餐更添清爽感 🥤🍇🍐。最後，外賣袋內仲發現咗一張到會傳單，下次朋友聚會可以考慮呢度，多一個選擇真係唔錯 😃。

去元朗成日經開呢間色彩繽紛嘅韓式外賣店「生生市場」，今次趁有朋友嚟我屋企玩，趁機外賣咗個2-3人套餐招呼朋友😆辣豬肉紫菜飯卷捲⭐️⭐️⭐️⭐️⭐️一向都好鍾意食kimbap，辣豬肉味道濃郁好豐富，充滿麻油味嘅飯配埋大量蔬菜，真係食吓一件食唔停🫣呢度飯捲好多口味，下次經過都要買返條過下口癮👍🏻韓式蜆肉大醬湯 ⭐️⭐️⭐️⭐️⭐️韓式大醬湯其實同日式嘅味噌湯類似，呢個湯會配埋白飯一齊食！今次喺我第一次飲大醬湯，原來加埋蜆肉係會有一陣鮮味，大醬湯顏色偏深味道濃烈，啱晒重口味嘅我😋甜辣無骨炸雞 ⭐️⭐️⭐️⭐️⭐️食韓國嘢點少得食炸雞，炸雞份量唔會好多，但係因為無骨啖啖肉嘅緣故，所以兩至三個人食剛剛好😍炸到脆卜卜嘅炸雞加埋甜辣醬，韓國風味即刻出晒嚟❣️新鮮辣泡菜 ⭐️⭐️⭐️⭐️⭐️相比原味辣泡菜，我比較鍾意食新鮮嘅泡菜，因為會有一種清爽嘅口感，新鮮嘅辣泡菜爽脆而且多汁，對於鍾意食辣嘅我嚟講，辣度啱啱好亦唔會太酸👍🏻雜菜煎蛋卷 ⭐️⭐️⭐️⭐️⭐️店長極之推介，話唔係日日都有，咁有緣當然要買一份嚟試吓🤭鬆軟嘅煎蛋卷又大又厚份量十足，配埋紫菜、蘿蔔同埋其他雜菜增加口感，果然係呢度必食小食之一！

平時成日見到好多人幫襯呢間生生市場，呢日唔想煮飯，就去咗買外賣齊齊分享！蜜糖蒜蓉無骨炸雞呢度嘅炸雞好有水準，炸漿沾滿甜甜嘅蜜糖蒜蓉醬，入口唔會太厚粉，內裡肉質juicy嫩滑，份量仲非常慷慨，必點！韓式海鮮嫩豆腐湯配飯天氣凍，飲一碗熱騰騰嘅暖豆腐湯特別暖胃。豆腐湯好足料，海鮮有蝦和魷魚、辣辣地之餘，味道都好鮮甜！吞拿魚紫菜飯卷份量一樣好足，每一件飯卷都包得紮實，餡料飽滿，一啖一件，滿足！韓式辣炒豬肉拌飯除咗辣炒豬肉之外，仲有芽菜、煎蛋、泡菜、紫菜、蘿蔔、青瓜絲，顏色豐富。味道穩陣，調味唔錯。

最近試咗間韓式外賣店「生生市場」，佢哋啲嘢食夠晒地道風味，啱晒想喺屋企輕鬆歎韓式美食嘅朋友！今次我哋叫咗幾樣嘢試吓，包括韓式炒粉絲、泡菜、烤牛肉紫菜卷同埋芽菜。首先講韓式炒粉絲，佢哋嘅粉絲炒得好入味，彈牙又唔會太油膩，配埋啲蔬菜同肉絲，口感好豐富！泡菜夠晒酸辣，味道好正宗，送飯一流！烤牛肉紫菜卷都好正，紫菜脆卜卜，烤牛肉嘅香味同埋飯嘅甜味好夾，一口接一口，好滋味！芽菜就爽脆清新，可以平衡返其他嘢食嘅油膩感。整體嚟講，生生市場嘅嘢食都好有水準，價錢又合理，而且佢哋嘅外賣包裝都好乾淨企理，送貨速度都好快，真係一個唔錯嘅韓式外賣選擇！下次一定會再試吓佢哋嘅其他嘢食，例如炸雞、辣炒年糕等等，諗起都流口水！如果你都鍾意食韓式嘢，不妨試吓生生市場，相信你都會鍾意！

一於試到成日經過的生生市場韓式外賣，種類真係好多。落單後會即整，所以要等大約15分鐘。下次屋企開party仲可以考慮埋叫到會。韓式水冷麵，麵身夠爽滑，湯底超正，第一下有Wasabi嘅感覺，然後有啲酸酸甜甜嘅味道，而且佢嘅冰都係有湯味，越食越濃郁，夏天食真係超正。蜜糖牛油無骨炸雞（S），份量好足，一打開超香蜜糖牛油味，炸粉皮薄，所以好入味，啱晒鍾意啖啖肉嘅人。勁多份卷選擇好開心，而且包裝好衛生，好夠飽肚裏面勁多餡，返到去加熱食一樣咁好味。

韓式外賣小店烤牛肉紫菜飯卷 ＄53好大份，差唔多有12件，而且每件都好多料，有齊青瓜、雞蛋、紅蘿蔔等等。我叫左牛肉，比既份量都多，每件都拳頭咁大件！香脆韓國豬肉餃子 ＄48呢個大推，入面食落既豬肉味係用炭火烤過既豬肉味，相當惹味，價錢都唔貴，$50都唔洗，推介一試！另外會有個醬汁比你點，酸酸地。芝士無骨炸雞(S)＄58蜜糖牛油無骨炸雞 (L） ＄88叫左2款炸雞 ， 都係無骨，份量都幾大，味道係唔錯的，但呢到係落粉，唔夠juicy。蜜糖牛油會好啲。

生生市場之前已經黎過，基本所有韓國食品都可以係度搵到，非常方便。而且外賣採用密封包裝，返到屋企一開就食得。烤牛肉拌飯係今日的午餐，飯餸會預先分開，非常貼心。飯上面有脆皮荷包蛋，餸的份量原來好多，牛肉碎夠入味，加埋韓式拌飯醬，是健康又飽足的一餐。今日點左2款未試過的飯卷，韓式炒魚仔紫菜飯卷魚仔帶甜，份量俾得好大方。紅蘿蔔，黃蘿蔔，青瓜，牛旁絲，材料滿瀉。芝士紫菜飯捲 芝士鋪滿一層，加上嫩蛋和餐肉，小朋友超愛。韓式炒粉絲炒粉絲一開盒已經聞到好香的麻油味，木耳、韮菜和冬菇絲等等，加上白芝麻，完全是餐廳級數。辣蘿蔔粒泡菜呢款叫了細size,但一餐都食唔曬。蘿蔔粒夠入味和辣，食落爽脆清甜，好味道。下次一定再encore。

生生市場 由韓國人主理性價比高✅韓式料理！以相宜價錢食到高質美味韓國菜🇰🇷食物款式多炸雞、泡菜鍋、手卷、小食、蛋卷都有嫁叫左兩款手卷！🍙韓式牛肉手卷🍙韓式辣豬肉手卷配料充足：甘筍、青瓜、雞蛋卷～一啖一口！口感豐富又健康！🍗韓式炸雞即叫即炸新鮮熱辣！炸雞外脆內軟非常Juicy🍚韓式牛肉飯！用上肥牛！油脂豐富～加入多款配料，撈飯一流生生市場 元朗店📍元朗教育路2-6號捷榮樓地下C號舖灣仔店📍灣仔堅拿道西15號永德大廈地下G13號

元朗有間韓式外賣店「生生市場」。開喺元朗中心位置教育路，地理位置方便！呢度嘅menu夠晒多元化，食到多款地道韓式小食，炸雞、紫菜飯捲、湯飯類、韓式前菜等一應俱全。可以單點外，又有套餐，仲做埋到會，偷懶唔想煮或者買黎做party food都好適合。落單之後等大約10分鐘啲野食就ready好，夠快捷。今次點左幾款韓式地道菜色，味道都唔錯，價錢亦親民！韓式炸雞有多款口味選擇，仲有兩個size選擇，人少少點左個細size就啱啱好。蜜糖蒜蓉無骨炸雞。調味有蜜糖嘅甜同蒜蓉嘅香，好惹味！炸雞都炸得夠脆口，雞肉肉質夠嫩，啖啖肉，無骨嘅炸雞特別滋味！作為紫菜飯捲愛好者，一次過試左兩款口味。韓式烤牛肉同埋韓式豆腐。紫菜飯捲好足料，而且包得好實淨，唔會一夾就散。一份紫菜飯捲有12件，份量比想像中多！不過烤牛肉就無咩牛肉味，韓式豆腐反而口感仲豐富，雖然全素但味道唔覺得單寡。韓式炒粉絲係冷盤，呢個幾好味！麻油香好突出，粉絲口感好彈，入面仲有唔同種類嘅蔬菜，冬菇、菠菜、蘿蔔、雲耳等等，好味。辣炒年糕都唔錯！個辣椒醬甜辣十足，辣勁十足！年糕都好煙韌唔硬，入面仲有魚糕同雞蛋，沾辣椒醬食好味！

推薦呢間好食韓式外賣，試咗佢嘅甜辣炸雞，豬肉紫菜飯卷，烤餅泡菜煎餅甜辣炸雞，辣度剛剛好，味道一流，食完完全唔覺得滯！泡菜煎餅都好食，煙靭得來有少少隨身，就咁食都好好食最後佢個豬肉紫菜飯卷，勁大份，兩個人都食唔晒，屋企肚餓又唔知食乜就最好嗌佢黎食呀

位於元朗教育路嘅生生市場✨主打韓式外賣🥡🔹甜辣無骨炸雞非常受歡迎嘅招牌菜！炸得金黃酥脆，裡面卻保持多汁。甜辣醬味道好惹味，既有甜味又帶點微辣，令人食唔停口。🔹泡菜豬肉湯湯底濃郁，豬肉軟嫩，泡菜酸味為湯增添層次感。湯嘅辣味同酸味平衡得剛好，令人胃口大開，特別適合寒冷嘅天氣。🔹烤牛肉紫菜飯卷牛肉醃得相當入味，烤得剛剛好，外焦內嫩，配上新鮮紫菜同米飯，口感層次豐富。每一口都感受到牛肉嘅香濃味道。🔹炸醬麵醬汁濃厚，麵條煮得彈牙，淋上炸醬後，滿滿肉香，醬汁滑順，帶一點甜味，食得人心滿意足。生生市場✨📍元朗教育路2-6號捷榮樓地下C號舖📍灣仔堅拿道西15號永德大廈地下G13號舖#生生市場 #元朗 #灣仔 #銅鑼灣

大時大節個個都出街食，想同情人喺屋企二人世界又唔想煮飯，今次特別啲試下外賣韓國菜返屋企食😂就搵到呢間專營外賣韓國菜🇰🇷《生生市場》2-3人套餐C｜$258包括以下食品：1️⃣韓式炆牛肋排湯｜超推薦👍‼️一大碗跟飯🍚‼️入面仲有4大件牛肋排🐂，仲要炆到超淋，一撕就骨肉分離🫨，重點個湯超甜，送飯一流‼️2️⃣炸醬麵麵條十分有彈性，搭配炸醬和青瓜絲，口感非常滑順同有口感❤️3️⃣甜辣無骨炸雞🐔炸雞非常香脆，味道甜中帶少少辣🔥，又唔會太辣，十分惹味份量都唔少，都有成6-7件👍4️⃣雜菜煎蛋捲(當日賣完換左飯捲)烤牛肉紫菜飯捲🐂每次食韓國菜都要叫飯捲❤️，呢間仲要都幾大條👍有酸蘿蔔、青瓜🥒、雞蛋🥚、紅蘿蔔🥕同埋主角牛肉🐂，飯捲食材都十分豐富5️⃣韓式飲品2款濟州橙汁/青葡萄汁/ 梨汁/ 甜米露呢個餐兩個人食真係食唔晒😂，3個人食就啱啱絲，平均每人都係$8×‼️如果堂食嘅韓國餐廳淨係叫個麵都已經$8×😂😂佢除左呢個餐外，佢最平2人餐都係$188起咋‼️黎緊咁多節日，好多都會約朋友仔一齊開party慶祝🎉，唔講唔知，原來佢都有做到會外賣架‼️如果今次到會唔想成日食沙律意粉，不如來點不一樣，試下韓國菜到會🇰🇷‼️可以電話or聯絡佢地社交平

千色附近原來開咗間抵食韓式食物專賣店，油炸雞、拌飯、韓式飯卷、人蔘雞基本上所有韓式食物都一應俱全，地點好方便千色對面就係，聚會叫佢哋到會都唔錯😁✨超級推薦佢哋烤牛肉拌飯，入邊有五顏六色嘅蔬菜，芽菜、翠玉瓜、醃蘿蔔、紫菜同埋最重要嘅牛肉，佢哋嘅牛肉整得夠薄，而且味道夠，撈埋佢哋嘅拌飯醬汁甜甜地食落去剛剛好。韓式炒魚仔紫菜飯卷都好正㗎，平時好少見到有炒魚仔飯卷，佢哋嘅飯卷整得夠實，所以切開都唔會散晒，炒魚仔好香，入面仲有好多蔬菜捲埋一齊，比肉類嘅飯卷更加吸引。韓式海鮮嫩豆腐湯好欣賞佢哋嘅豆腐湯，因為有少少香辣味，又唔會搶走海鮮嘅鮮甜度，即叫即整熱辣辣有蝦、八爪魚、蜆、翠玉瓜、蛋等等，非常足料豐富。湯少少辣，撈飯好食好香口。海鮮煎餅佢哋嘅煎餅整得好精緻企理，熱辣辣好正！入面有唔同種類海鮮，勁多八爪魚，醬汁辣辣地幾夾味。📍生生市場元朗教育路2-6號地下C舖#元朗美食 #元朗外賣