新記 (康麗花園)

Open Now

Now Closed

以前住元朗既時候，晚餐、宵夜都成日幫襯。而家喺屯門都食到！每次必點生滾煲仔粥，今次食貴妃雞蠔仔粥，雞粥粥底好清甜，雞肉份量十足，加埋蠔仔鮮味更濃食粥配搭有好多小食、小菜可以揀，紅燒元朗脆皮乳鴿，外皮金黃酥脆，咬落好脆！裡面肉嫩多汁，好好味！海蜇手撕雞係我哋經常都會點，唔係好多餐廳有整呢道菜。佢個醬汁好正，撈埋海蜇加手撕雞，手撕雞惹味，海蜇好爽，口感豐富最後加碟炒菜，椒絲腐乳通菜，鑊氣十足，通菜鮮嫩，腐乳醬好香七喜龍眼冰，加咗好多粒龍眼肉，清涼解渴，好清爽泰式青檸，酸酸甜甜，滿滿既青檸香味，酸甜適中屯門店同元朗店一樣，長期都好多人食，要預留少少時間等下位。食物都大大份，好豐富，都好抵食！