Video
Read full review
2022-05-30
436 views
好耐無入元朗行街，入元朗Yoho Mall 行吓。見到呢間葡國菜，加上呢兩年都冇去過澳門食葡國菜，見到呢間亞蘇爾Azores餐廳就入咗去食，估唔到有驚喜！睇Menu唔算多嘢揀，單點嘅主食得10樣8樣。計過條數如果嗌兩個主食再叫多一個小食俾多少少就同二人餐差唔多價錢，所以結果嗌咗二人餐。二人餐包咗餐湯，有四樣嘢嘅小食拼盤，脆皮豬手，飯或意粉其中一樣，我哋揀咗黃金咖喱炒飯，同埋兩杯fruit punch。如果想食燒乳豬都可以加錢轉～是日餐湯 - 南瓜濃湯南瓜味幾濃，食到南瓜蓉，真材實料，湯即算棉滑，而且唔算好甜，唔錯～小食拼盤芝士脆豬包- 呢個包好好食，下次可以試吓佢個豬扒包，好少食到咁香脆鬆化既包，不過佢鋪響面嘅芝士就略嫌唔夠，加上佢揀嗰隻芝士味比較清淡，唔係好夠味。墨魚球- 墨魚球可口彈牙，鮮味好夠，點辣醬又好夾，最鍾意呢啲香口野。芝士馬介休薯球- 佢地將mozzarella 芝士融入於馬介休球內，同餡料混埋一齊，可以食到半溶芝士的軟滑，有少少拉絲嘅效果，炸得亦非常酥脆，外脆內軟，推介推介。辣蝦柚子沙律- 呢個無咩特別葡萄牙脆皮鹹豬手呢個係近期食過最好味既豬手，佢嘅外皮好脆，出面唔少餐
好耐無入元朗行街，入元朗Yoho Mall 行吓。見到呢間葡國菜，加上呢兩年都冇去過澳門食葡國菜，見到呢間亞蘇爾Azores餐廳就入咗去食，估唔到有驚喜！
睇Menu唔算多嘢揀，單點嘅主食得10樣8樣。
計過條數如果嗌兩個主食再叫多一個小食俾多少少就同二人餐差唔多價錢，所以結果嗌咗二人餐。
二人餐包咗餐湯，有四樣嘢嘅小食拼盤，脆皮豬手，飯或意粉其中一樣，我哋揀咗黃金咖喱炒飯，同埋兩杯fruit punch。如果想食燒乳豬都可以加錢轉～
是日餐湯 - 南瓜濃湯
南瓜味幾濃，食到南瓜蓉，真材實料，湯即算棉滑，而且唔算好甜，唔錯～
29 views
0 likes
0 comments
小食拼盤
小食拼盤
85 views
0 likes
0 comments
芝士脆豬包- 呢個包好好食，下次可以試吓佢個豬扒包，好少食到咁香脆鬆化既包，不過佢鋪響面嘅芝士就略嫌唔夠，加上佢揀嗰隻芝士味比較清淡，唔係好夠味。
墨魚球- 墨魚球可口彈牙，鮮味好夠，點辣醬又好夾，最鍾意呢啲香口野。
芝士馬介休薯球- 佢地將mozzarella 芝士融入於馬介休球內，同餡料混埋一齊，可以食到半溶芝士的軟滑，有少少拉絲嘅效果，炸得亦非常酥脆，外脆內軟，推介推介。
辣蝦柚子沙律- 呢個無咩特別
葡萄牙脆皮鹹豬手
48 views
0 likes
0 comments
葡萄牙脆皮鹹豬手
呢個係近期食過最好味既豬手，佢嘅外皮好脆，出面唔少餐廳都做到太硬，呢間就唔會，輕輕一咬就可以斷開，脆皮效果做得非常出色。另外佢調味係剛剛好，唔會死咸，好值得再食！同埋佢個薯角都好好食。
葡國腸菠蘿蝦咖喱炒飯
48 views
0 likes
0 comments
葡國腸菠蘿蝦咖喱海鮮炒飯
呢個係重口味之選，鍾意食咖喱嘅人真係要叫，出面好多餐廳剩係得隻色，完全冇味，呢間咖喱味好重，但係又唔會過左龍，好惹味～同埋二人餐份量黎講，佢個份量算好多～
26 views
0 likes
0 comments
fruit punch
正常味，不過佢加咗薄荷葉，幾清新
本身想嗌埋佢個葡撻試吓，不過實在太飽唯有下次啦。
Post
