維港灣餃子坊 (Closed)

維港灣都食過唔少次，由佢開業無耐食到開左第二分店，但因為就腳嘅關係，我只係食過呢間總店！好！入正題！我同女友每次黎到都係一份湯餃同一份煎餃嘅。先講今日嘅時令西洋茶湯餃，西洋菜幾香幾新鮮（學女友教嘅「不時不食」嘛），但係餐廳今日嘅豬肉醃得比較濃味重手左，所以濃味得濟，稍為蓋過左啲西洋菜香🙁再講埋煎餃，我地就例牌芝士粟米煎餃。做得比以前好嘅係，頭兩三次去食煎餃，「煎」出黎嘅效果好似炸餃咁，有啲嚇人。但之後食嘅幾次都係變番真·煎餃，兩面煎香上枱👍🏾 但係，今日嘅煎餃可能煮得唔夠耐？無煎嘅果面有啲生生地嘅感覺，唔夠香口而且有啲黏🤔 不過個芝士餡係唔錯嘅👍🏾最後有個小食，蝦春卷，食過兩次，兩次都俾隻手指公佢👍🏾 因為蝦肉新鮮，而又即炸即上👍🏾👍🏾總括黎講，我會繼續食維港灣，因為呢間餃子店係元朗區內幾皮薄餡靚嘅餐廳。