芭堤雅泰國餐館

Open Now

Now Closed

元朗區有好多好食嘅泰國菜。聽朋友講，呢間芭堤雅位置方便，响元朗市中心地帶，店面內外裝修都好靚好有特色。食物仲幾好味。今日終於可以食到滿足我掛住泰國菜嘅心願。炒大煆金邊粉大大粒蝦，非常彈牙。用甜嘅醬汁炒，蝦同金邊粉都係炒得好惹味。食得好開胃。和牛船河 呢個好多人都推介。份量好大碗。先飲啖色澤好濃嘅湯底，好清甜濃郁嘅牛骨湯，好正，我連飲咗幾啖。船河上面有幾塊大大塊嘅和牛，入口好滑好有牛味😍。仲有啲炸過嘅黃色脆脆麵條拌河粉食。呢碗船河食嘅時候口感同層次都好豐富。值得推介。泰式拼盤有4款小食，包括燒豬頸肉，紅咖哩魚餅，炸雞翼及黃金蝦餅，俾埋個泰式嘅甜酸醬沾嚟食。我同朋友都覺得，今次黃金蝦餅同紅咖哩魚餅比較出色。蝦餅係蝦球形狀，整得好彈牙，調味都剛剛好。紅咖哩魚餅都係幾好味。豬頸肉味道略為淡咗啲。炸雞翼不過不失。叫咗2杯泰式特色飲品：泰式奶茶，非常濃郁嘅手標泰式奶茶嗰種味道。😍椰汁冰，又係非常香濃嘅椰汁同椰奶，有朵玫瑰花點綴下，好泰式風情。夏天飲呢個好適合，2杯都好好味。總消費：3百多元