拉麵天王 (Closed)

同朋友傾傾下計先知原來元朗都有拉麵達人，一於睇下元朗區既拉麵又如何。胡椒限定天王拉麵 : 一樣有紅磡店既風味—濃濃既芝士，加上香噴噴既胡椒味湯底，令口感煙韌既拉麵味道再次昇華至另一境界。糖芯半熟蛋，粟米粒，紫菜，以及拉麵好友—叉燒，成就一碗令人感覺幸福滿足既拉麵煎餃子 — 睇落好厚皮既餃子，實際上非常鬆化脆口。咬開脆皮，濃濃既肉汁急切地湧出，令乾身既餃子變得濕潤，味道更為豐富美味。豚角 — 比較香口而濃味既一味小食。為豬肉近似五花腩既位置，所以會比較油膩。當然亦因此而口感一流。左邊的肉會比較軟身，味道亦會因汁醬既關係變得很濃郁。右邊的會是硬身爽口的肉，一軟一硬，互相配合，是一碟不錯的小食。香蕉味波子汽水 — 香蕉味既波子汽水我真係第一次飲，唔知其他地方有冇。因爲梳打汽比較多，除了香蕉味以外就是一陣梳打汽。最近天氣回暖，加上食完熱食，飲番支香蕉梳打汽水亦係唔錯既選擇