Video
Read full review
2011-10-11
83 views
早前試過元朗鳳琴街嘅名門讌客，今日就試吓係名門讌客對面嘅富臨皇宮。呢間富臨皇宮，開咗個多月，裝修簇新，全店都以白色作為主調，由門口至樓面大堂，都係用宮廷式嘅裝修格調，與嗰名非常匹配；用料主要係天然石材，爵士白雲石，加上白色石紋雕花配襯，一室光潔明亮；柱身則包上清鏡，減少柱與柱之間的壓迫感，望落更感通透；天花亦用了不少木線修飾，再吊上不銹鋼水晶燈，簡潔之餘，亦不失大體。最近，不少新開嘅茶樓，都係採用類似格調裝修，可能潮流興低調奢華，宮廷感之餘，又不落俗套；面積都唔細，佔用一樓全層，呈大L形，地方闊落。三個人叫咗三餸一湯，有銀絲海蝦煲、脆皮童子雞、薑汁炒芥蘭，同泰式海皇翅，後來再加個竹筒糯米飯。先來銀絲海蝦煲，可能大廚都知道d蝦太細隻，所以俾多幾隻，哈哈；一煲入面，有十幾隻蝦，可以想像到d蝦係幾咁細，細都唔緊要，試吓味道先，嘩，一d蝦味都冇，肉身未至於霉，但亦不覺爽，唔敢肯定是否雪藏蝦，就算係活蝦，都係一d劣等貨式，非常失敗；至於粉絲，都算炒得乾身，唔會一撻撻，黐埋一堆堆，咬感唔錯，但係味道就……除咗起鑊嘅薑蔥味之外，可以話冇咩味 (因為d蝦唔得，所以俾唔到味d粉絲)，如果可以用番d靚材料
呢間富臨皇宮，開咗個多月，裝修簇新，全店都以白色作為主調，由門口至樓面大堂，都係用宮廷式嘅裝修格調，與嗰名非常匹配；用料主要係天然石材，爵士白雲石，加上白色石紋雕花配襯，一室光潔明亮；柱身則包上清鏡，減少柱與柱之間的壓迫感，望落更感通透；天花亦用了不少木線修飾，再吊上不銹鋼水晶燈，簡潔之餘，亦不失大體。最近，不少新開嘅茶樓，都係採用類似格調裝修，可能潮流興低調奢華，宮廷感之餘，又不落俗套；面積都唔細，佔用一樓全層，呈大L形，地方闊落。
三個人叫咗三餸一湯，有銀絲海蝦煲、脆皮童子雞、薑汁炒芥蘭，同泰式海皇翅，後來再加個竹筒糯米飯。先來銀絲海蝦煲，可能大廚都知道d蝦太細隻，所以俾多幾隻，哈哈；一煲入面，有十幾隻蝦，可以想像到d蝦係幾咁細，細都唔緊要，試吓味道先，嘩，一d蝦味都冇，肉身未至於霉，但亦不覺爽，唔敢肯定是否雪藏蝦，就算係活蝦，都係一d劣等貨式，非常失敗；至於粉絲，都算炒得乾身，唔會一撻撻，黐埋一堆堆，咬感唔錯，但係味道就……除咗起鑊嘅薑蔥味之外，可以話冇咩味 (因為d蝦唔得，所以俾唔到味d粉絲)，如果可以用番d靚材料來炒，應該會好好食。其實除咗呢個銀絲海蝦煲，富臨仲有個銀絲蟹煲，顧名思義，銀絲蟹煲緊係用蟹來炒粉絲，見隔離枱食緊，味道就唔知，不過見嗰蟹蓋都唔細，我諗應該比我哋嘅蝦煲好食，哈哈。
跟著，就上泰式海皇翅，其實我哋原本想叫砂鍋雞煲翅，係第二間富臨食過，價錢略貴，四佰幾一盅，但翅嘅份量都唔少，湯底膠膠哋，亦夠味，唔錯；但係今日冇，唔知係廚房冇準備，還是沽清，總之就係冇，所以我哋叫咗泰式海皇翅；上枱時，仲有一碟銀芽同芫茜跟著上，都幾細心；但係一打開煲蓋，心知不妙，望落去已經覺得太杰，成煲”生粉水”咁樣，入面都有翅，仲有冬菇、蝦、帶子、肉絲，料尚算足，一啖入口，食到嘅，係味精味，並唔係湯料嘅味道，湯底亦的確太杰，完全冇好感，仲要$268一煲，真係非常唔抵；一人一碗後，都冇人願意添食。
脆皮童子雞同薑汁炒芥蘭一齊送上；脆皮童子雞，有d芝麻灑上雞皮，幾香，但皮唔夠脆，肉亦唔夠嫩滑，冇嘜雞味，成隻雞都未達水平；仲要加四塊蝦片伴碟，已經係一種非常過時嘅做法，又冇人食，又浪費。
至於薑汁炒芥蘭，薑粒就見到唔少，鋪係芥蘭上，但入口時，卻食唔到薑汁味，哈哈，但芥蘭則炒得不錯，幾爽口，唔老，而且落鑊前，更將芥蘭皮刨走，入口時唔會有渣，的確係有心機。
最後，仲有竹筒糯米飯，攞上枱時，熱騰騰，打開竹筒蓋，見有煙冒出，可惜聞唔到臘味嘅香味，但眼見糯米飯內的確有臘肉同臘腸，我諗應該係唔夠多，同時亦都可能係d臘味唔夠靚，所以唔夠香；至於飯身，都算ok，雖然及唔上生炒糯米飯咁粒粒鮮明，但亦未至於太濕身，一舊舊，只嫌香味不足，而且油份略為多了一點。
食完後，席間嘅女仕，想食個甜品，攞張甜品紙一看，發現富臨提供嘅甜品種類都頗新潮，主力有布甸、涼粉、紅豆、雪糕等等，可以有唔同配搭，我哋嘅女仕，就選擇咗楊枝甘露布甸；其實只不過係一個芒果布甸擺底，上面再加楊枝甘露；食後評價，布甸質地軟滑，唔會太實，楊枝甘露甜度適中，略嫌椂柚肉有丁點苦澀。
埋單$578，每人$192，但係嗰泰式海皇翅$268太貴了，若減去$268，換上一個普通湯，都只需一佰蚊，可以慳番接近二佰蚊，每人只需佰多蚊，價錢都唔貴；但食物嘅水準，我就覺得對面嘅名門讌客比較平均。埋單時，仲有生果奉送，不過比較細碟，菠蘿都頗甜，唔錯，但西瓜則完全冇味，唔掂。
Post
