木玥巷 (Closed)

元朗台式小店真係唔算多，搵一間好食坐得舒服價錢又可以接受嘅真係唔容易，聽聞依間木玥巷係屯門比較出名，今日就嚟試下元朗分店😂😂😜晚餐都有好多選擇，有麵有飯有小食。😋每枱都有一小碟合桃，甜甜地作為開胃菜相當唔錯。🥗櫻花蝦炒高麗菜苗($84)調味唔錯，櫻花蝦加高麗菜吃，既可以食到蝦嘅鮮味，亦可食到爽甜嘅高麗菜😋😋😋🍛香葉蕃茄肉鬆炒飯($82)由九層塔、洋蔥、蕃茄、肉碎溝埋一齊炒嘅炒飯，依款炒飯炒得惹味偏乾身，飯粒粒粒分明，落埋青檸汁感覺似係泰國餐廳食緊炒飯🤣🤣🤣🍜蟹肉金絲炒新竹米粉($98)本身自己都好鍾意食新竹米粉，米粉炒過之後更加乾身，但食落口又唔太dry，加埋啲蟹肉同芽菜點綴成個菜式😂😂🥤木玥柳橙汁水果茶($42)水果茶超大杯好抵飲，個茶味好夠，面頭仲有生果食，超級推薦👍🏻👍🏻👍🏻👍🏻🥤芒果寒天多多($34)隻杯超可爰，加埋頂草帽好得意，芒果味道甜甜，寒天份量足夠又有咬口，夏天飲一流😆😆😆