Overlap Coffee

Open Now

Now Closed

之前經過元朗西鐵站附近，見到呢間Overlap開張唔係好耐，就同老婆講下次揾機會食下。今日晏就兩個都得閒，諗起呢間overlap，二話不說就決定食佢。Overlap門面同裝修都走簡潔路線，店舖坐位唔多，餐牌有意粉，窩夫，吐司等主食，仲有好多款特色咖啡。我哋揀左日式和風拿玻里扁意粉同明太子海膽忌廉蟹肉扁意粉，拿玻里汁酸酸甜甜，好開胃，而明太子汁好足料，每一口都係明太子既味道，配上海膽又甜又惹味，扁意粉煮得啱啱好，有咬勁又唔會太生。特色咖啡Forest用上埃塞俄比亞咖啡豆，飲落好清新，入口微甜配上咖啡同青檸既酸，好解暑，適合炎夏飲用。另一杯Lumos上層係奶蓋添上桂花花釀，下層係咖啡配上白桃烏龍茶，奶蓋既順滑搭上白桃茶混合咖啡，又香又甜，好有特色。