Gathering (Closed)

平時好少去元朗，所以特登上OpenRice想搵啲小店嚟試吓。依間餐廳食物唔錯，而且價錢比起市區平一半，性價比好高。煙三文魚藜麥沙律 78藜麥食落唔會有怪味，配上煙三文魚嘅鹹香，同爽脆沙律菜，好清新好開胃。法式鵝肝伴焦糖蘋果 88鵝肝好肥美，煎到外脆內軟，好甘香，配上香甜蘋果可以解膩。孜然羊扒 188呢個價錢嘅羊扒我都唔會expect啲咩，但係估唔到食落有肉汁，唔會太乾亦冇渣，賣相都唔錯，係爭咁啲羊味。北海道帶子墨魚汁意大利飯 148份量好足，夠三四個人share。墨魚醬汁好香濃，飯粒軟硬適中，帶少許咬口，而帶子好嫩滑。