韓舍 (Closed)

今日約左個好耐冇見既朋友，咁岩對方係一個肥仔，當然要食下放題啦，所以就揀左呢間係元朗既韓舍，6因為點都覺得個名有保障。呢到既食物程度比起一般韓燒既種類都多好多，而且肉既新鮮程度好高，D肉類唔會話太多肥膏，幾好幾好。當我地一去到，我地當然咩都唔理就扔灑D肉落去燒啦，係等既過程，我地就去拎D呢到一早準備好既熟食。除左pizza ，芝士焗蠔之外，呢到都仲有D日本刺身都壽司，好足料，唔係普普通通得一兩樣，而且都有刺身位，一叫即切，一定新鮮。另外好中意佢呢到既烏冬，食起黎又彈牙同好夾，我同兩位朋友未燒熟啲肉就食左四碗，因為真係停唔到。好啦,D肉熟左啦，我推介既係呢到既五花腩好大舊，又係厚切，肥廋啱啱好，加埋生菜，我覺得大家一定要試下呢個組合，而且呢到既肉類大多都經過加製，味道有一定既保障，唔會話偏淡或太濃，另外都幾推介佢既雞翼，呢到嘅雞翼係單骨嘅所以比較唔洗驚咁多骨同難熟，而且味道辣得黎又惹味。除左呢兩樣，呢到仲有D快熟既食物，例如腸仔，粟米，可以頂住個肚先。食飽飽當然要食下呢到既甜品啦，呢到甜品種類都好多，有泡芙、雪糕、布旬同埋葡塔，有甜筒同單球，啱曬一家大細黎嘅小朋友食，好味得黎又好玩，真係