Muse Furniture Lab (Under Renovation)

依間Cafe位置較偏遠，但好值得去，令人置身於外國般～環境主要分為三大區，包括：餐廳、古典傢俬店及小花園，全部都有好多靚靚打卡位！餐廳設有室內及室外位置，室內有著型格工業風設計，以黑色櫥櫃搭配透明桌椅，強烈對比既設計令人驚艷，而室外就走歐洲庭園風，黑色小屋配上水晶吊燈，連接著小花園，非常寫意。❀ 烤雞肉配車打芝士法式可麗餅依個可麗餅好足料，入面有雞肉、芝士、蛋及椰花絲。可麗餅皮薄又煙韌，雞肉好嫩滑，配上爽口既椰菜絲、芝士、流心蛋及千島醬，多重口感又惹味。而且擺碟好靚，用上櫻桃蘿蔔及食用花作裝飾，睇得又食得❀ 黑松露香煎帶子意大利粉意粉上有4粒幾鮮甜又爽口既帶子，黑松露醬份量充足，但黑松露味唔夠香濃。而意粉就炒得較乾身，如果多d汁及味道香濃d就更好❀ 蝶豆花荔枝冰味道係荔枝味梳打，唔會太甜，底部有唔少椰果粒。吸睛之處係顏色好靚，冰入面仲有一小朵櫻花，融冰後櫻花會飄浮在梳打水上，幾有心思❀ 芒果沙冰份量好足，堆砌出一座芒果山及灑上少許金箔。芒果味突出，消暑解渴一流⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️⭐️💫🤵服務：⭐️⭐️⭐️⭐️💎CP值：⭐️⭐️⭐️⭐️