Video
Read full review
2018-07-20
1279 views
終於約到名星都會黎食既元朗壽司之神~鮨文地點好易揾，就係鐘聲球場後面，元朗住既就一定會知，門面簡單得黎好有日本既味道，去過日本食omakase既就會感受到！入到去，全體員工會好有禮貌同精神咁打招呼同歡迎你！專業！訂位時己說明食邊個餐，等師傅可以為你準備最好最當造既食材！上菜前，師傅準備有芥辣味既淮山伴碟，係香港少食到，係日本直接空運過黎。先上蜆肉蒸蛋，內有金萡，非常滑，而且好鮮味。伊左木刺身，皮炙燒過，用上醋調味再加上海藻，肉質滑目甜，燒過有香魚油味但加左醋所以不覺肥膩。網燒深海池魚，深海魚本身油份高，燒完後，魚油既甘香非常突出！平靖魚，爽口，白蝦加上俄羅斯魚籽醬 ，味道小小咸，有兩種口感同鮮味！中拖，中間夾左赤身，呢個係食過咁多次拖羅最好食既一次，赤身有口感得黎又有拖羅既重魚油味！北海道真蠔，慢煮，之前未試過，原來可以咁滑，連蠔汁都可以飲埋。厚切大拖，四邊輕輕燒過，魚油滴落葱，配上芥辣，成個口腔都係魚油，令人回味無窮京都特產，香魚，爽口。泰刀魚，牙帶魚，師傅話係專人逐條釣上黎，好少地方會有得食因為成本好高，可以見識一下。黑陸魚油份高，滑身，加左柚子，味道好清新。手吊池魚，鮮北寄貝，爽
地點好易揾，就係鐘聲球場後面，元朗住既就一定會知，門面簡單得黎好有日本既味道，去過日本食omakase既就會感受到！
入到去，全體員工會好有禮貌同精神咁打招呼同歡迎你！專業！
訂位時己說明食邊個餐，等師傅可以為你準備最好最當造既食材！
上菜前，師傅準備有芥辣味既淮山伴碟，係香港少食到，係日本直接空運過黎。
先上蜆肉蒸蛋，內有金萡，非常滑，而且好鮮味。
伊左木刺身，皮炙燒過，用上醋調味再加上海藻，肉質滑目甜，燒過有香魚油味但加左醋所以不覺肥膩。
網燒深海池魚，深海魚本身油份高，燒完後，魚油既甘香非常突出！
平靖魚，爽口，白蝦加上俄羅斯魚籽醬 ，味道小小咸，有兩種口感同鮮味！
中拖，中間夾左赤身，呢個係食過咁多次拖羅最好食既一次，赤身有口感得黎又有拖羅既重魚油味！
北海道真蠔，慢煮，之前未試過，原來可以咁滑，連蠔汁都可以飲埋。
厚切大拖，四邊輕輕燒過，魚油滴落葱，配上芥辣，成個口腔都係魚油，令人回味無窮
京都特產，香魚，爽口。
泰刀魚，牙帶魚，師傅話係專人逐條釣上黎，好少地方會有得食因為成本好高，可以見識一下。
黑陸魚油份高，滑身，加左柚子，味道好清新。
手吊池魚，鮮北寄貝，爽口彈牙。
泰刀魚天婦羅，加左松露，香氣撲鼻。
自家醃沖繩苦瓜，酸酸甜甜。
三文魚子壽司，小小酒味，加左岩鹽，柚子，味道出奇地夾。
終於來到主角出場
海胆杯，半板赤海胆，淨係呢個杯都價值＄400，海膽甘香，呢個真係正到不得了，愛吃海膽的人，你懂的！
碎拖羅手劵，用燒過既大拖魚油，加上拖羅蓉好邪惡！
最後來一碗用上大量魚來煲嘅特濃魚湯！清下口入面既油份。
甜點有和歌山櫻桃，靜岡蜜瓜同桃，又係正到一個點！
不鮮不食，不時不食，千多元可以吃到全部空運到港既新鮮食材，師傅亦會悉心安排食物先後次序，個人覺得係值得既！
$1980
17 views
0 likes
0 comments
Post
