維港灣餃子坊 (Closed)

疫情底下 無阻小妹搵好野食既心今日黎到元朗水車館街呢間出名食自家制鮮餃子既維港灣餃子坊疫情期間，當然支持外賣自取食物啦，店舖買外賣有9折優惠，千萬唔好錯過呀入到鋪內，店員好有心機咁一隻一隻咁包，全神貫注，佢地會戴好口罩同手套非常有衛生意識，包好既每盤餃子會即時用保鮮紙包好，讚！餃子有湯餃、煎餃兩類，鍾意食麵既朋友仲可以揀餃子湯麵🍜豬骨湯麵、墨丸麵等小妹今次外賣就揀左以下兩款食物：招牌4拼餃（大白菜、韮菜、香芹、莞茜）每款各兩隻湯底就係標榜無味精既蟲草花雞湯飲得出呢個老火湯啖啖精華，飲完唔會口渴餃子方面，粒粒都皮薄喊足，4種款式入面，小妹最愛莞茜味，完全食唔到草腥，而且仲提升到豬肉既鮮味郊外油菜（生菜）菜即叫即煮，多蠔油自家制餃子健康又好味，就算唔揀堂食，叫外賣有折一樣抵食下次等小妹試埋煎餃先