瀛喜日本料理 (Closed)

估唔到入到黎元朗都有放題食，位於元朗西鐵站附近嘅瀛喜，位置都算方便，所以每一晚都吸引好多客人幫襯，今日行經呢度都去試吓先。相對於市區嘅分店，鋪面唔算好大，但係選擇都算多，上菜速度都算快，侍應們都好有效率！芝士天婦羅蝦卷呢個天婦羅蝦卷必點，芝士配天婦羅蝦好夾，天婦羅仲熱熱地同脆口，芝士味唔算濃，但味道啱啱好芝麻八爪魚仔冷盤黎講算係唔錯，芝麻味香，八爪魚仔好煙靭彈牙，非常開胃燒雞軟骨串平時既雞軟骨係一粒粒，但呢款雞軟骨用左雞胸軟骨，通常高級少少既日本餐廳用，估唔到放題都有，仲可以任點，非常驚喜。呢種雞軟骨比較爽口，而且一片片，口感比較好。燒雞肉串燒雞肉串都不俗，味道不錯，不過冇乜特別。燒翠玉瓜燒翠玉瓜外面好香，瓜好多汁，一啲都唔乾身，非常好食牛肉鍋一個會有好多牛肉，都有好多唔同嘅配料，有娃娃菜，有豆腐等等，豆腐非常之滑，入口即溶，湯底味道亦都好濃，呢個牛肉鍋值得一點辣味雞翼估唔到呢一個雞翼都幾辣，而且好香，個皮燒得好香好脆，雞翼亦有好多汁，唔錯元朗冇乜放題餐廳，有質素就更加罕有，所以呢一間餐廳非常之多人，平日都會有好多人排隊，好多人食