校長燒肉日韓料理 (Moved) New Location

今日約左d中同黎校長燒肉食燒肉放題，果然無令我地失望，食到個個都捧住肚走人。黎到校長日韓燒肉，除左燒肉之外都仲有好多好野食！首先最吸引我地當然係刺身bar，刺身種類都有幾款選擇，今晚就有三文魚、玉子、蟹棒等。我最鍾意食三文魚，所以攞左幾次呢！除左刺身之外都有一d壽司比大家簡。refill速度都好快！除此之外仲有沙律同前菜比你自己選擇，熟食方面有炸物、湯同埋炒麵類，多元選擇！至於燒烤方面，今晚海鮮有元貝同鮮蝦，元貝好細心地已經剝殼，唔洗阻住好多位。蔬菜類有金菇、鮮冬菇、韭菜、三色椒、番薯仔、菠蘿等等。燒菠蘿好甜多汁，真係令人一食再食。肉類方面、豬牛雞羊都有好多款，我覺得最好味係牛五花，因為燒一燒就食得，配上醬汁超入味！另外呢到有提供雞軟骨，第一次自己燒雞軟骨，加d蒜蓉落去食真係好香口！其他肉類試左唔係好多，因為真係太多款啦！食到超飽！最後食埋甜品，有雪條、泡芙、椰汁官燕，好正！下次都會再約黎呢到食晚飯！