麴町 (Closed)

要喺元朗獨立國插旗，要係黃店之外，一定都要有咁上下質素先至得㗎。如果啲嘢唔好食，元朗咁多餐廳、咁多小食店、真係唔係咁容易捱得到。呢間專賣小丸子嘅鋪頭都係元朗一段日子，好老實講呢個舖位呢就經歷過好多手㗎啦。如果你知道元朗千色店嘅媽咪雞蛋仔響邊，望過對面有條巷仔就見到㗎啦。真香港人可以放心大大咁出力支持！唔好意思，黑警同藍粉，大陸人呢間鋪頭都唔招待㗎！721令元朗成為獨立國唔熟元朗嘅朋友記得要download呢張地圖跟住去幫襯！呢間小店專賣章魚小丸子嘅，當然仲有少少炸物啦。由於都係即叫即做，各位要注意每次落order大約要等15分鐘。如果多客嘅話梗係要耐啲。如果中意食日本口感嘅章魚小丸子，應該會好鍾意食呢間野嘅。日本章魚小丸子同香港嘅分別咪就係Q唔Q。好明顯呢間係唔Q啦，話咗你知㗎喇。必試黑松露醬章魚小丸子。講真每逢黑松露醬嘅嘢都冇得輸㗎啦。至於蜜糖芥辣章魚小丸子就一般般，咸咗少少，芥辣味尚未有突出，普普通未見吸引！