Sole Coffee (Closed)

一星期內，已經第二次嚟呢間元朗小店，想介紹一下我鍾意食嘅嘢俾大家。Avocado Toast $58作為一個牛油果迷，一上碟見到滿滿嘅牛油果蓉已經心心眼，牛油果蓉中加咗希臘芝士，加埋烘得又暖又脆穀物麵包多士，真心正，仲伴住一大堆沙律菜，只係$58，大力推介。蟹肉蟹膏意粉$108焗蟹肉鮮甜，蟹膏醬意粉超驚喜，蘆筍鮮甜。Egg Benedict $68竹碳多士底非常鬆脆，同煙三文魚&水波蛋好夾，伴碟嘅蘆筍同沙律都非常新鮮。Crunchy caramel latte $40 （熱）咖啡香濃，配上焦糖脆脆。Tiramisu coffee$48 上層係Tiramisu ，仲有一支好好味嘅手指餅，下面一層係齋啡，賣相又好，飲落去非常有層次。Muffin $18 試咗藍莓味鬆餅，店員主動幫我哋焗熱左，鬆餅用嘅係新鮮的藍莓，$18嚟講，係好抵食。