丼家和食 (Closed)

夜麻麻陪男友係元朗運動場度做完運動之後，已經就快十點嚕。元朗真係有好多好野食，友人推介呢間丼飯價錢合理又幾好食，於是就試下佢啦！去到以為裡面無咩人已經打烊，好彩有問一問原來未關門。我地叫左M4 溫泉蛋洋蔥牛肉丼 $68 仲有N2 鰻魚炒飯 $72首先個丼飯份量係夠我一個女仔食，男友就覺得有少少唔夠，不過唔緊要啦，做完運動唔好食咁多野都好牛肉份量十足！！食極都有，每一啖都配到牛肉食，好滿足。而味道唔係普通吉野家既牛飯既汁，加入洋蔥令個汁甜啲，加上珍珠米，唔怪得男友話唔夠食啦而鰻魚炒飯就好岩我口味啦，店家好大方咁落左好多鰻魚粒 每粒米都有沾上鰻魚汁，連埋蔥同芝麻炒出個香味。平時最驚炒飯既米粒濕濕lup lup, 但係呢間既炒飯做到粒粒分明，有咬口，加分！總結：店員態度幾好，店鋪亦乾淨企理，見道夜晚收舖時有將menu架仔細抹乾淨。期待係元朗發掘更多高質小舖。