公車泰國餐廳

Open Now

Now Closed

去元朗搵嘢食，教育路跟西菁街一帶好多食市， 特別係泰國菜，見到有間光鮮又有大間泰國菜館就入去試下。店內環境好寬敞，感覺好乾淨衛生。泰式生蝦共有六隻超大隻，冇蝦腸好 乾淨，好新鮮，好彈牙，值得推介。泰式炒金邊粉好夠鑊氣，一上枱熱辣辣香噴噴， 主要有肉絲、 豆干 、 蛋絲、蝦米、花生碎做配料， 炒得好香口，惹味。跟餐椰青半價， 清甜可口。菠蘿雞絲炒飯除咗菠蘿同雞，仲有提子、臘肉同肉鬆，好有泰式風味。串燒泰式香茅雞翼加豬串燒得好惹味， 沙爹醬調得好入味， 層次豐富。椰汁糕下層有大量西米同粟米，上層椰汁， 甜度適中，幾啱我口味。