倆口小吃 (Closed)

倆口小吃係元朗出名小食店，2022仲獲得米芝蓮推介，吸引左好多人慕名而來，店外經常都大排長龍，晏少少嚟嘅話啲嘢食都可能會賣晒。小店主打嘅刈包選擇雖然唔算多，但每款配搭嘅食材，配菜同埋醬料都好有心思，好吸引，有傳統啲配台式腩肉嘅包，仲有較有創意嘅配菠蘿炸雞同埋麻辣台式腸嘅包。食物味道真係有驚喜，而且性價比高，值得一試。♥️🍖傳統刈包 ($42)（五花肉，酸菜，花生碎，芫荽，柚子醬）包嘅賣相非常吸引，啲餡料多到爆曬出嚟。知道佢哋嘅包每日都係店主自己親手做，混合左中筋麵粉同埋澄麵粉，所以食落軟林林得嚟亦都有啲煙韌，真係幾好味。連豬皮一齊上嘅控肉肥瘦啱啱好，火候控制非常好，肉嘅口感軟嫩，入口即溶，但又唔會覺得好肥膩。滷肉嘅汁係比較甜嘅，同酸酸甜甜嘅柚子醬好夾。成個包再配埋爽口嘅酸菜同埋炒香咗嘅花生粒同黃糖，口感同埋味道層次都好豐富，好好食！🍗菠蘿炸雞刈包 ($46)（菠蘿，羽衣甘藍，炸雞，秘製辣醬，酸果醬）包嘅餡料好多，炸雞好有質素，外層炸粉唔會過厚，炸嘅時間控制得啱啱好，雞肉仲係好嫩滑，好有肉汁。菠蘿都好有心思，面層輕輕咁燒過，識落有焦糖香同果香，中和左炸雞嘅油膩感。秘製辣醬屬於小辣，食落好香