旮旯 (Closed)

呢間係我其中一間「一食鍾情」嘅甜品店。因為之前第一次食感到太難忘，同因為佢地d野食真係太好食，搞到而家每次去親元朗都會乖乖走去課金。如有你係鍾意抹茶嘅人，呢間真係要大大推薦俾你！因為佢地真係整得好出色！鋪頭環境雖然唔大，但都阻止唔到為食人士嘅心，每次去都見到好多人排隊。・⊳ 卷蛋呢間店必食嘅甜品之一！卷蛋中間嘅流心抹茶醬味道相當濃郁，甜度適中。而抹茶蛋糕亦十分鬆軟，有好香嘅蛋味，整件事就係正😋！⊳ 抹茶葛餅葛餅表面撒上了滿滿嘅抹茶粉，口感十分軟糯煙韌，配上跟葛餅送嘅鍊奶糖漿，味道上添層次，超級正😋！。⊳ 抹茶拿鐵抹茶拿鐵周圍都有得飲，但唔係間間都沖得咁好飲。呢間嘅抹茶拿鐵係我飲過當中嘅數一數二。抹茶味相當濃郁，茶味突出，表面有好多奶泡，飲落口感十分幼滑。而杯上超有心思嘅可愛圖案拉花亦為呢杯抹茶增添上唔少分數😋。