肥姐蠔餅婆

Open Now

Now Closed

有個自小喺元朗長大嘅朋友話我知，呢間嘅蠔餅好好食，好多時都大排長龍，自從佢結婚搬離元朗後，就好少機會食到，所以每次返娘家食飯，都會順道買件食下！自從我三年前搬咗入元朗，試過呢間蠔餅後就不能自拔，雖然小店係三年間幾次加價，但無損我對小店既支持！今晚另一半行經呢間小店時心癢癢，打電話通知我要食蠔餅，所以我哋就約咗喺小店門前等！另一半已經預時order定兩件蠔餅，所以我去到只係等左一陣就有得食啦！蠔餅新鮮炸起熱辣辣，非常香口，而且蠔肉脹卜卜好大粒，份量又多，再配埋芫荽及小店自家製酸辣汁，非常好食惹味，真係食極都唔厭小店仲有其他自家製食品，例如無骨酸辣鳳爪及低糖涼茶等，試過都不錯！