Forever 友緣西餐 (Closed)

難得放假，可以係元朗hea足全日，就想揀一間坐得舒服既。因為住附近，所以經過左好多次，一直想食，今日終於試到啦！地點都算旺中帶靜，近元朗千色店，但餐廳條街就唔係食野/住附近都好少人會經。好鐘意佢個名，友緣，forever。入到去，其實都好多位，但又唔會覺得好迫。由於食lunch, 唔算多選擇我地叫左雞扒同肉眼扒餐。睇緊餐牌既期間，餐廳會送上welcome drink。是果酸飲品，好貼心。之後就上左餐湯，味道濃。蘋果栗子雞扒，開頭就係望望我以為雞扒上面既係磨菇...當然，事實上佢係蘋果同栗子！同個汁好match!平時少食栗子既我都食曬😂😂😂個雞扒就不過不失。反而我對個薯泥幾有驚喜。味道唔太識形容，但係同平時食既好唔同。正！肉眼扒都好正！ 叫7成熟真係7成熟!!!!!....因為好多餐廳都overcook...依間就好好！另外加左意粉。份量都幾多。又是我最愛的扁意粉！！爸爸點左熱咖啡，仲可以自己拉花😂😂😂😂😂😂我就叫左凍朱古力！少有會令我覺得是甜的朱古力！好多都係好淡味，感覺依間餐廳好用心，果然無期待錯！期待下次再得閒黎食！