Video
Read full review
2023-04-16
35 views
假日想係屋企附近搵間cafe chill 下，上網見到呢間位於元朗嘅 87 Coffee，係西鐵站行過去都好快，價錢又相當親民，就打算黎試下啦。餐廳帶俾人悠閑嘅感覺，佈置都相當用心，座位亦好舒服，食物方面，午市時段選擇有各類all day breakfast，意粉，burger同埋肉類，我地揀左「意式菠菜蟹肉寬條麵」同「香煎西班牙豬梅頭伴菠蘿」。意式菠菜蟹肉寬條麵： 寬條麵口感非常好，更能做到al dente 嘅口感，蟹肉同菠菜都好多，蕃茄醬汁同寬條麵嘅比例剛剛好，每條麵都索到汁，入口酸酸甜甜，味道香濃，配埋菇類，帶俾人清新嘅感覺，同時亦極有口感，令人一口一口咁食過不停。香煎西班牙豬梅頭伴菠蘿：豬梅頭一份有兩件，煎得剛剛好，輕輕調過味後，肉質鮮嫩多汁，好易入口，亦唔會有雪藏味，唔洗點蕃茄醬汁都已經好好味，伴碟菠蘿亦相當juicy，配埋新鮮嘅沙律菜食真係非常夾。餐飲方面包熱黑咖啡或柚子茶一杯，亦可以優惠價$25轉飲其他飲品，我地揀左Hazelnut latte同埋蘋果檸檬玫瑰果茶，hazelnut latte咖啡味香濃，入口唔會太甜，仲帶出陣陣榛子味，至於蘋果檸檬玫瑰果茶，入口相當清新。
餐廳帶俾人悠閑嘅感覺，佈置都相當用心，座位亦好舒服，食物方面，午市時段選擇有各類all day breakfast，意粉，burger同埋肉類，我地揀左「意式菠菜蟹肉寬條麵」同「香煎西班牙豬梅頭伴菠蘿」。
意式菠菜蟹肉寬條麵：
寬條麵口感非常好，更能做到al dente 嘅口感，蟹肉同菠菜都好多，蕃茄醬汁同寬條麵嘅比例剛剛好，每條麵都索到汁，入口酸酸甜甜，味道香濃，配埋菇類，帶俾人清新嘅感覺，同時亦極有口感，令人一口一口咁食過不停。
香煎西班牙豬梅頭伴菠蘿：
豬梅頭一份有兩件，煎得剛剛好，輕輕調過味後，肉質鮮嫩多汁，好易入口，亦唔會有雪藏味，唔洗點蕃茄醬汁都已經好好味，伴碟菠蘿亦相當juicy，配埋新鮮嘅沙律菜食真係非常夾。
餐飲方面包熱黑咖啡或柚子茶一杯，亦可以優惠價$25轉飲其他飲品，我地揀左Hazelnut latte同埋蘋果檸檬玫瑰果茶，hazelnut latte咖啡味香濃，入口唔會太甜，仲帶出陣陣榛子味，至於蘋果檸檬玫瑰果茶，入口相當清新。
消費滿$98 仲會送兩件蛋榚，是日蛋糕係朱古力慕絲蛋糕及雲石芝士蛋糕，我地每款都有試，味道唔會太甜，用黎送咖啡同花茶簡直係一流呀。
Post
