Video
Read full review
2021-12-02
505 views
係元朗街頭一個唔顯眼既小巷入面有一間聽聞好好味既雞煲元朗居民好多都識佢 區外人就未必 今日有幸經朋友介紹黎依度試下入座時間尚早，所以仲有不少空位，不過時間越晏就越黎越多人餐牌選擇都豐富，肉類或配料都好多特別既係佢仲有小童專區去適合返小朋友，所以家庭黎都ＯＫ架！打邊爐最緊要係咩？爐？NONO~係醬汁呀！依度提供最醬汁配料都好豐富，個人最鍾意個辣油，好高質呀！大大杯凍檸茶，叫一杯夠晒２個人飲，真係勁大杯呀！主角雞煲，我地叫左半隻既招牌雞煲，等左一陣就已經送上枱喇雞件骨肉分離唔會痴住晒，肉質嫩滑彈牙，食得出Ｄ雞好新鮮！而且配合埋本身個醬汁真係好惹味呀！另外我地仲加左魚鰾同鵪鶉蛋本身我地都唔知魚鰾咩黎 不過感覺幾特別就照試下~滑嘟嘟好彈牙，感覺上有Ｄ似花膠既物體！幾好食！雞煲配鵪鶉蛋真係好新奇，結果卻出奇意料地夾！值得推介老闆推介既椒鹽粟米依個真係好新奇，加上係老闆親自推介就當然要試下啦真係好好味呀！切到細細條，每一啖咬落去都好爽口，而且椒鹽味既粟米真係好夾！好食！食完雞煲當然就轉打邊爐啦～安格斯牛小排 - 係名符其實既安格斯呢！賣相已經睇得出油脂分怖得好靚只要滾大約10秒就可以食得，入口嫩滑
元朗居民好多都識佢 區外人就未必 今日有幸經朋友介紹黎依度試下
入座時間尚早，所以仲有不少空位，不過時間越晏就越黎越多人
餐牌選擇都豐富，肉類或配料都好多
特別既係佢仲有小童專區去適合返小朋友，所以家庭黎都ＯＫ架！
打邊爐最緊要係咩？爐？NONO~係醬汁呀！
依度提供最醬汁配料都好豐富，個人最鍾意個辣油，好高質呀！
大大杯凍檸茶，叫一杯夠晒２個人飲，真係勁大杯呀！
主角雞煲，我地叫左半隻既招牌雞煲，等左一陣就已經送上枱喇
雞件骨肉分離唔會痴住晒，肉質嫩滑彈牙，食得出Ｄ雞好新鮮！而且配合埋本身個醬汁真係好惹味呀！
另外我地仲加左魚鰾同鵪鶉蛋
本身我地都唔知魚鰾咩黎 不過感覺幾特別就照試下~滑嘟嘟好彈牙，感覺上有Ｄ似花膠既物體！幾好食！
雞煲配鵪鶉蛋真係好新奇，結果卻出奇意料地夾！值得推介
老闆推介既椒鹽粟米
依個真係好新奇，加上係老闆親自推介就當然要試下啦真係好好味呀！切到細細條，每一啖咬落去都好爽口，而且椒鹽味既粟米真係好夾！好食！
食完雞煲當然就轉打邊爐啦～安格斯牛小排 - 係名符其實既安格斯呢！賣相已經睇得出油脂分怖得好靚
只要滾大約10秒就可以食得，入口嫩滑且充滿牛味
安格斯封門柳 - 同牛小排一樣咁好食，不過封門柳會更加甜，口感都會有些少既分別
其實都仲想試埋其他牛肉架。。不過２個人既胃空間有限
爆汁牛筋丸 - 雖然我地只係叫左半份，但都有成８粒呢！而且粒粒都好大粒！而且好札實
入口發現無改錯名，真係會爆汁架！所以食果陣要小心Ｄ。
0.03紙豆腐 - 千奇唔好諗歪呢，哈哈！紙豆腐真係有0.03咁薄，滾１，２秒其實已經食得
入口好滑好滑好滑～（重要的事要講３次ＸＤＤ）好味呀！
另外仲有叫娃娃菜同蘿蔔，２樣都好食呢！夠新鮮～蘿蔔無渣又甜
朋友果然無介紹錯呀！依間雞煲真係比高分佢～
食物夠新鮮同埋好多特別既花神～老闆都親切有禮，又會主動介紹菜式又會主動提出幫我地加湯等等，非常周到
下次約三五知己食雞煲打邊爐又多一個好選擇喇
Post
