Video
Read full review
2023-03-16
53 views
黑木亭📍元朗裕景坊15-25號玉成大廈地舖🌄環境環境幾清靜，即使係元朗繁華地段都好安靜，稍微昏暗嘅環境同埋坐得幾舒服嘅環境，好適合三五知己放工之後嚟食下野chill下～值得一提嘅係餐具部分，好可愛！碟係櫻花，杯喺唔同嘅動物，我哋嗰檯係柴犬同熊仔，勁少女勁可愛～～～🌸 🧡食物整體食物質素好好，人均500嘅價位食到呢個質素其實幾抵食，我同媽媽都食得超級飽，下次想encore，試吓個熊仔壽喜燒，睇落勁得意；仲有個DIY壽司，試吓做個壽司師傅🤣🐟深海池魚薄切 $199呢個真係十分靚了，魚片薄如蟬翼，好滑好嫩，並且有少少脆嘅口感，口感好好，而上面嘅醬有啲柚子味，微微澀嘅味道配埋鮮甜嘅魚肉，真係正！推薦度：😋😋😋😋 🦐 龍蝦二食（龍蝦粥+蟹肉龍蝦鉗蒸蛋）$468呢個我覺得好抵！一次過食晒龍蝦嘅兩種食法！龍蝦粥本身已經熬到勁綿勁鮮，龍蝦嘅精華喺曬入面，粥入面仲有啲蛋花，蛋香更加係昇華咗龍蝦嘅鮮甜味，真好正呢個！茶碗蒸好足料，食嘅每一啖都有絲絲蟹粥，入面仲有冬菇、蛋皮、蟹子、肉碎，仲有個巨型龍蝦鉗，十分足料，配埋極度滑溜嘅蛋，好鮮味！推薦度：😋😋😋😋😋🥩 A5宮崎和牛他他配洋蔥及特制酸汁 $199
📍元朗裕景坊15-25號玉成大廈地舖
🌄環境
環境幾清靜，即使係元朗繁華地段都好安靜，稍微昏暗嘅環境同埋坐得幾舒服嘅環境，好適合三五知己放工之後嚟食下野chill下～值得一提嘅係餐具部分，好可愛！碟係櫻花，杯喺唔同嘅動物，我哋嗰檯係柴犬同熊仔，勁少女勁可愛～～～🌸
🧡食物
整體食物質素好好，人均500嘅價位食到呢個質素其實幾抵食，我同媽媽都食得超級飽，下次想encore，試吓個熊仔壽喜燒，睇落勁得意；仲有個DIY壽司，試吓做個壽司師傅🤣
🐟深海池魚薄切 $199
呢個真係十分靚了，魚片薄如蟬翼，好滑好嫩，並且有少少脆嘅口感，口感好好，而上面嘅醬有啲柚子味，微微澀嘅味道配埋鮮甜嘅魚肉，真係正！
推薦度：😋😋😋😋
🦐 龍蝦二食（龍蝦粥+蟹肉龍蝦鉗蒸蛋）$468
呢個我覺得好抵！一次過食晒龍蝦嘅兩種食法！
龍蝦粥本身已經熬到勁綿勁鮮，龍蝦嘅精華喺曬入面，粥入面仲有啲蛋花，蛋香更加係昇華咗龍蝦嘅鮮甜味，真好正呢個！
茶碗蒸好足料，食嘅每一啖都有絲絲蟹粥，入面仲有冬菇、蛋皮、蟹子、肉碎，仲有個巨型龍蝦鉗，十分足料，配埋極度滑溜嘅蛋，好鮮味！
推薦度：😋😋😋😋😋
🥩 A5宮崎和牛他他配洋蔥及特制酸汁 $199
呢個牛肉他他你睇色澤就知咩料，內嫩外脆，外層仲有啲焦脆，入面就係啲入口即溶嘅牛肉，本身已經好夠惹味，加埋蛋漿、甜洋蔥粒同埋酸汁，又係另一種口味，如果份量多啲就好了TT
推薦度：😋😋😋😋😋
🍗 濃味噌雞件陶板燒 $138
雞件十分嫩滑，係有少少似韓式炸雞嗰種外皮，脆得嚟畀汁浸透曬，底下有啲芽菜墊住，加埋底下有火，連芽菜都好入味，畀我阿媽一掃清光，調味整體比較鹹，鹹中帶甜而唔係死鹹，十分惹味，如果加埋飯一齊食就一流了，可惜我哋食得太飽，冇叫到飯～
推薦度：😋😋😋😋
💚飲品
🍍 菠蘿汁 $38
好真嘅菠蘿味！酸酸甜甜咁好適口，好開胃～
推薦度：😋😋😋😋
Post
