巴打火鍋館 (Under Renovation)

今日嚟到元朗呢一邊食好西！朋友就介紹咗呢一間巴打火鍋館！位置嚟講都算方便，我哋行過去都係好快就可以去到，而且我哋一早預約咗，所以都非常快就可以入到去！我同朋友都非常期待！！🩶椰子雞鍋半隻，其實半隻嚟講份量都算非常多，再加埋新鮮嘅椰子，一嚟到已經有非常香嘅味道，而家仲做緊特價，嚟到嘅朋友不妨都可以點呢一個煲，價錢非常相當抵食，滾咗之後雞亦都唔會好老，食落都有嫩滑嘅口感，餐廳使用嘅係新鮮雞，所以絕對唔會有好鞋嘅感覺，呢個位非常值得抵讚，因為本身如果用冰鮮雞嘅效果會比較差，證明餐廳都落足成本，所以都非常推介大家來試一試，佢呢一個湯底真係唔錯！🩶本地新鮮手切金錢展，呢一個部位係牛腱肉既其中兩塊，每隻牛身上只有兩小條，部位非常稀有，切左片之後就會好似一個金錢既形狀，呢個部位的肉非常結實、亦有少少牛筋，所以食落都非常有咬口同埋充滿牛肉嘅味道！配埋椰子湯底，簡直就係正！🩶美國雪花肥牛，雪花肥牛就係打邊爐嘅必備其中之一，餐廳用嘅美國雪花肥牛，亦都唔會太肥，油花分佈都幾均勻,食落口感都唔錯,或者肉質鮮嫩亦不會太油膩,非常適合打邊爐！🩶即炸紫菜響鈴，嚟到嘅時候都仲係熱辣辣證明餐廳真係即叫即做呢一個位非常s