泰發泰國餐廳

Open Now

Now Closed

前幾日收工好想食炸蝦餅，即刻諗起泰發😝，大概晚上7:00去到唔使等位。我哋兩個人叫咗木瓜沙律，炸蝦餅，檸檬牛肉。環境都企理乾淨，座位雖然唔係好闊落，但係都唔會覺得太壓迫。店員姐姐都好有禮貌。我最鍾意呢度既木瓜沙律，份量慷慨，$58一座山咁高🤣而且調味啱啱好，唔會太鹹，酸酸辣辣好開胃。兩個人5分鐘已經K.O.一碟🤣炸蝦餅亦都唔使多講，即叫即炸，上到枱熱辣辣好香口。檸檬牛肉話係招牌菜，我哋當然要一試，牛肉加埋蒜片辣椒一齊食，味道幾清新，但我就覺得可以再燒熟啲，咁就再香啲啦。總括嚟講，要講元朗最好食嘅泰菜，我一定推介泰發。