盈小館

Open Now

Now Closed

果日去加州花園探親戚，經過見到呢度有得泊車，就停低食個晏先！ 室外露天茶座有大傘擋太陽，帶寵物既朋友可以坐！我哋緊係坐室內嘆冷氣啦睇番餐牌，都幾多選擇，有精選午餐、焗飯意粉、煎炸小食，連All day breakfast都有!芝士白汁焗海鮮意粉個白汁加入煙肉碎，好香濃好滑，意粉軟硬剛好，入哂味，唔會汁還汁粉還粉，蝦球大大粒，爽口。沙律菜蕃茄三色椒伴碟🫑健康！卡邦尼魚柳焗飯邪惡之選厚厚芝士鋪面焗，焗到又香又脆，打開又拉哂絲，想唔食埋層芝士都唔得魚柳略嫌腍d，一夾就散，炒飯底唔錯！大魔王雞髀煎蛋燒汁飯雞髀確係好大隻，炸到皮脆肉嫩，煎蛋半熟，拮開蛋汁流落出，混白飯食一流！黑椒蜜糖雞翼配雜果沙律炸雞翼好香口，配上黑椒蜜糖醬超惹味！沙律應該是罐頭的，無咩特別，小朋友啱食。青蘋果特飲🍏啱打卡，飲就真係麻麻，甜～好甜～都係飲返涷檸茶🍋最爽！總括嚟講，食物質素都算滿意嘅，下次可以過嚟食下個晚飯，睇吓仲有冇咩驚喜先！