Video
Read full review
2016-10-10
2244 views
其實剛開張時我去過一次，嗰次係平日夜晚，無咩人。尋晚去就爆到七彩，好彩我哋有訂位，如果無訂都無得入。雖然人多，但侍應招呼一樣細心，先嚟生蠔，第一round納米比亞加水中花，自從第一次老闆介紹後，納米比亞蠔就成為我嘅飛佛，海水咸味唔重，口感超爽滑，入口鮮甜，隻蠔嘅肚腩好大似我，超肥美😍😍。水中花，朋友覺得比較咸但我覺得咸甜適中，一入口先係海出味，之後蠔嘅鮮甜慢慢滲出，蠔肉好滑唔係爽，與前者相比係另一種感受。三個人開咗一支白酒，其實係咩酒無留意，因為我同老闆講「你介紹就ok」因為對酒我只懂分好飲、易入口、搶喉、易上腦😂😂其他都係朋友講我先識。支白酒好易入口，口感好滑，味道清新。除咗配蠔外，我覺得配之後嘅食物都ok。先嚟個原隻蒜頭包，之前食蒜頭可以好易壓成蒜泥，但今次應該蒸焗時間唔夠或隻蒜頭實在太大，未能完全壓成蒜泥但一樣無咗蒜嘅辛辣味，配埋個包依然無得頂。朋友第一次食都勁讚，仲要keep起啲蒜粒待用😂😂😂到白酒鑽石硯，我之前係食藍青口，今次鑽石硯好大肉好厚身，而且好鮮甜，再配埋啲汁一齊入口，真係可以食唔停口。蟹肉龍蝦湯。呢個我推介朋友飲，出面好小會拆埋蟹肉入去做，呢個蟹肉加龍蝦一齊煮，令個
三個人開咗一支白酒，其實係咩酒無留意，因為我同老闆講「你介紹就ok」因為對酒我只懂分好飲、易入口、搶喉、易上腦😂😂其他都係朋友講我先識。支白酒好易入口，口感好滑，味道清新。除咗配蠔外，我覺得配之後嘅食物都ok。
先嚟個原隻蒜頭包，之前食蒜頭可以好易壓成蒜泥，但今次應該蒸焗時間唔夠或隻蒜頭實在太大，未能完全壓成蒜泥但一樣無咗蒜嘅辛辣味，配埋個包依然無得頂。朋友第一次食都勁讚，仲要keep起啲蒜粒待用😂😂😂到白酒鑽石硯，我之前係食藍青口，今次鑽石硯好大肉好厚身，而且好鮮甜，再配埋啲汁一齊入口，真係可以食唔停口。
蟹肉龍蝦湯。呢個我推介朋友飲，出面好小會拆埋蟹肉入去做，呢個蟹肉加龍蝦一齊煮，令個湯更香濃鮮味。
鵝肝春卷伴蜜糖鵪鶉肶，春卷香脆，鵝肝嫩滑，但如果我自己煮，一定會加小小黑松露，更能帶出鵝肝的鮮，今次鵪鶉肶比較熟，肉汁被抽掉了一點，食落就唔夠嫩滑。
鵝肝蟹肉意粉，意粉煮得剛剛好，唔太林又唔會硬，我地三個都好鍾意呢個口感，件鵝肝望落以為過咗火，但一食落口外脆，裡面好creamy嫩滑。蟹肉反而唔多覺有，但個意粉整體感覺係ok，可惜太飽，侍應曾走過來問我哋仲有咁多洗唔洗加熱反，都最後都係食唔哂😅
但當食唔哂個意粉之時，我們二口同聲話要嚟多round 蠔，連老闆都笑了，又話飽又可以叫蠔。再嚟一次納米比亞，再加西班牙石蠔，石蠔海水味適中，爽口。
呢餐$14xx三個人有蠔有酒，價錢好合理，而且坐得好舒服，可能我哋張枱自成一角，傾計超正。
Post
