佳記甜品

Open Now

Now Closed

食完正記就去佳記食甜品。呢度既甜品都唔錯架，而且都算幾多人食甜品，可能係禮拜五既關係啦。雪糕涼粉鍾意食涼粉既我就一定唔會錯過，呢個涼粉都幾好食。好爽口又有咬口，配上花奶就更好。而雪糕都係牛奶公司既出品，不過算啦。個雪糕只係溝埋涼粉黎食。芒果西米露芒果既份量都算多，又唔算太酸既。而西米粒粒好通透，又有咬口，唔會太生又唔會太硬。芒果黑糯米個味好新鮮，黑糯米粒粒都好彈牙。芒果就唔使點講啦，份量又多而且都算幾甜既。呢個幾食得過。食完甜品就飽到上心口啦，不過呢間野就幾多蚊，環境就差啦。