瀛喜日本料理 (Closed)

又好耐冇寫過食評, 亦都好耐冇放過題! 今日食到入黎元朗,班FRIEND特登揀呢間放題,話好多好評, 唔怕唔好食咁話喎!去到門口, 真係多人到爆,好在有BOOK位, 唔係都唔知等到幾點班友話好鬼肚餓,一開波就叫左牛肉烏冬,心唸, 唔係化, 咁飽肚?估唔到又幾好味喎,D邊爐肥牛半肥半瘦勁惹味LOL番茄辣酒煮蜆雖然幾辣,但夠晒惹味,可惜得果2,3粒, 唔夠喉要叫多轉!估唔到佢個必食辛辣魷魚鬚又係勁辣,味道係唔錯又有咬口,但班fd以為佢係酒樓炸魷魚,下次都係叫椒鹽好d! 另外羊架勁大舊又唔騷,肥瘦均云好鬼正!但係串燒就冇乜驚喜啦,雞皮老火得滯, 免治雞又有D鞋,豬仔腸味道係就係唔錯, 但好普通囉!後來先上既凍茄子落左麻醬好鬼正, 甜而不漏~火灸壽司又係必試,樣樣都好有水準,飯又唔大舊!佢個牛油帶子好鬼死重牛油味,加埋粟米真係絕配,不過唔係鐵板上就要扣分啦~ 最正係刺身叫幾多比幾多,完全冇漏單, 而且又新鮮,不過冇冰就唔夠細心啦, 食食下唔夠凍咁點呢? 話時話佢個龍蝦湯好鬼搞笑,結到好似漿咁,用黎點D煮物食好夾, 哈哈天婦羅就叫左芝士魚餅,蝦,蟹爪,多春魚墨魚丸,哇, D配搭咁特別, 唔係唔試