野川拉麵の鮮鍋道場 (Closed)

今晚專程到元朗揾食，享受2小時的半自助日式料理放題。餐廳裝修工業風， 牆壁擺滿各類工業裝飾，環境算舒適 。自助多款式日式料理放題，星期六日$208一位。款式都不少，有刺身，壽司，手卷/卷物，天婦羅，焗蠔，鐵板燒，揚物，一品料理，仲有估唔到既薄餅。刺身都有唔少選擇，賣相好(仲有乾冰煙)。而三文魚腩、墨魚、甜蝦係我至愛， 新鮮！無限制任飲，有啤酒有sake有汽水果汁，最like韓飲桃汁，正！黃金燒蠔，鹽燒雞軟骨，鹽燒多春魚，西冷牛，一口腸，手打漢堡扒熱騰騰香噴噴咁送上來。當然是不能少甜品，有自助雪糕機，整左杯朱古力雪糕甜筒先。甜品櫃入面仲有好多選擇，選擇困難症既我一於全部都試下佢。