薩莉亞意式餐廳 (馬田路)

Open Now

Now Closed

前一晚去左元朗交通廣場個間薩利亞，夜晚9：40，距離寫明既截單時間仲有20分鐘，想入去搏一搏。見坐低都無人趕我，睇一睇即刻落單。後生仔肯幫我寫時，有個阿嬸竟然話截左單，望一望手錶，只係45分，都離截單仲有15分鐘。無得食唔緊要，重點係個阿嬸態度非常差。嬲嬲地今日晏晝去另一間薩利亞，近元朗泳池。如果唔想食沙律，薩利亞既午餐其實同散叫價錢相差唔遠。我地叫左忌廉湯同周打海鮮湯、雞肉多利亞、雞肉粗管麵同一個雙併Pizza。雞肉多利亞絕對係薩利亞既必食，份量雖然唔多，但濃厚既白汁、芝士等等材料非常有飽足感，食完仲有Quota可以同朋友Share半個Pizza。而粗管麵算係近年既新品，唔鐘意食飯既都可以試下；加埋Pizza少少地4件，有兩種口味，非常抵。兩個人埋單大約$130，咁飽黎講算係幾抵！最緊要係喱間分店既待應服務比交通廣場個間好太多了。建議元朗食薩利亞既話，最好黎喱間！