Video
Read full review
2021-03-06
41 views
經過呢一個疫情，真係少咗出去可以晚市食野，今次終於放寬啦，梗係出去慶祝吓啦。呢排天氣涼涼地，咁你走去食雞煲火鍋啦。今日約咗朋友去咗元朗一間嘅雞煲冰室食雞煲^_^。入到去個環境充滿咗香港嘅懷舊特色，喺眾多鬧市之中非常突出！最重要環境衛生都好好，好乾淨！好啦事不宜遲啦，肚仔餓啦！餐廳嘅餐牌有好多種類，有火鍋🍲湯底，配料同雞煲啦啦，有唔同嘅小食小菜，都有唔同嘅特色飲品。價錢相當唔錯！嘩！仲有花膠啊花蟹啊同埋鮑魚添！今次帶咗特別開胃嘅重慶酸辣雞煲～重慶酸辣雞煲好味指數：10/10可以講嘅係，餐廳可以話係落足材料！我地左半隻，但係啲雞肉好厚身，好多肉～所以你哋要煲來啲，因為啲肉厚到未咁快熟！店員服務非常之好，幫我哋去烹調同攪拌均勻。淨係睇見都流口水🤤啊！好啦終於完成咗啦，即刻夾幾塊嚟食，入口完全多汁入味，又唔會完全蓋過雞肉嘅鮮味～啲雞皮薄，無乜脂肪，肉紮實鮮嫩，最重要嘅係啲配料：洋蔥🧅，蒜頭🧄，蔥都非常好食😋！仲有我哋食咗好耐一直都唔覺得好頸渴！自己食過咁多間餐廳個雞煲，呢間係元朗裏面係數一數二，非常推介大家去食！我哋都叫咗好多唔同小食！泡椒無骨鳳爪好味指數：8/10除咗主打嘅雞煲火鍋之外，小食
經過呢一個疫情，真係少咗出去可以晚市食野，
今次終於放寬啦，梗係出去慶祝吓啦。
呢排天氣涼涼地，咁你走去食雞煲火鍋啦。
今日約咗朋友去咗元朗一間嘅雞煲冰室食雞煲^_^。
入到去個環境充滿咗香港嘅懷舊特色，喺眾多鬧市之中非常突出！最重要環境衛生都好好，好乾淨！
好啦事不宜遲啦，肚仔餓啦！
餐廳嘅餐牌有好多種類，有火鍋🍲湯底，配料同雞煲啦啦，有唔同嘅小食小菜，都有唔同嘅特色飲品。價錢相當唔錯！
嘩！仲有花膠啊花蟹啊同埋鮑魚添！
今次帶咗特別開胃嘅重慶酸辣雞煲～
重慶酸辣雞煲
好味指數：10/10
可以講嘅係，餐廳可以話係落足材料！我地左半隻，但係啲雞肉好厚身，好多肉～所以你哋要煲來啲，因為啲肉厚到未咁快熟！店員服務非常之好，幫我哋去烹調同攪拌均勻。淨係睇見都流口水🤤啊！好啦終於完成咗啦，即刻夾幾塊嚟食，入口完全多汁入味，又唔會完全蓋過雞肉嘅鮮味～啲雞皮薄，無乜脂肪，肉紮實鮮嫩，最重要嘅係啲配料：洋蔥🧅，蒜頭🧄，蔥都非常好食😋！仲有我哋食咗好耐一直都唔覺得好頸渴！自己食過咁多間餐廳個雞煲，呢間係元朗裏面係數一數二，非常推介大家去食！
我哋都叫咗好多唔同小食！
泡椒無骨鳳爪
好味指數：8/10
除咗主打嘅雞煲火鍋之外，小食小菜亦都非常之惹味！泡椒鳳爪非常之彈牙，唔會有一種好重嘅醋味，酸辣味道啱啱好，食完濃厚嘅味嘅食物，食完呢個鳳爪之後都有中和嘅作用；
鹽香脆炸魷魚鬚
好味指數：9/10
魷魚鬚亦都炸到非常之香脆，食落去咬落去係會聽到脆卜卜既聲，啲炸粉亦都放得啱啱好唔會太厚，魷魚鬚亦都非常之彈牙大條，成疊嘅份量亦都非常之多，非常之抵食好食！；
麻辣手拍青瓜
好味指數：9/10
一上到碟個青瓜好厚同埋大塊，咬落去非常之爽脆，啲醬汁唔會蓋過晒青瓜嘅味道。
沙薑豬手
好味指數：10/10
可以同大家講呢個一定要點嘅小食之一！首先呢個砂礓汁醬係餐廳秘制，非常之香，真係可以攞嚟點醬！啲豬手好食到非常之難以形容，啲豬骨肉好爽口彈牙，一定要將豬手沾滿啲沙薑醬，非常之惹味！
雞煲食完之後就當然就係佢度打邊爐嘅環節啦！
我哋嗌左幾碟火鍋配料：
紅薯粉，美國黑豚花腩片，豬膶同日本廣島蠔。
好味指數：10/10
首先啲蠔肉非常之新鮮，可以講一咬落去啲肉汁全部爆曬出嚟，嫩滑厚肉！真係新鮮嘅蠔肉先可以做到，非常大家推薦去叫一碟！；花腩片亦都非常之好食，非常知紮實，花腩同肉層次分明；豬膶都非常之好食，一啲都唔鞋，非常之爽滑！紅薯粉唔使講，完全索晒火鍋湯底嘅味道，非常之煙韌，夾落去完全唔會散開！
總括嚟講呢間餐廳喺元朗數一數二，大家一定要去試試！
Post
