老闆火鍋冰室

Open Now

Now Closed

老闆火鍋冰室📍元朗昌盛徑18號元通樓地下9-10號舖椰汁花膠雞窩，這款湯底用來火鍋，椰汁的香氣濃厚，帶有一種自然的甜味，雞選用新鮮雞，雞肉鮮嫩多汁，與椰汁的甜味相互融合，花膠的口感滑嫩，彈性十足，材料豐富，而且雞是可以無限添食。鮑汁炆鵝掌花菇鮑魚，鵝掌經過長時間的燉煮，變得軟嫩，彈性十足，入口即化。鮑汁的鮮味和鹹香滲透每一寸鵝掌，讓人食指大動。花菇的香氣濃郁，肉質厚實，嚼勁十足，與鵝掌形成絕妙的對比，鮑魚的滑嫩口感豐富，令人回味無窮美國安格斯牛頸脊，頸脊肉的脂肪分布均勻，濃厚豐富肉香。相當嫩滑，肉質有豐富的纖維，口感醇厚，咬下去肉質緊實和彈性炸芋頭相當好味好粉，入口有甜味，芋頭經過炸之後放入火鍋，不容易鬆散，廚師相當細心豚肉片脂肪分布均勻，肉質爽口，口感鮮嫩豬生腸，粉腸，大腸，每一種腸口感都不一樣，生腸入口爽脆，粉腸煙煙韌韌，大腸有口感，樣樣都新鮮好味鮮雞子肉質細膩，鮮味，咬下去時汁液豐富，口感滑嫩鮮雲吞大大粒，而且皮薄，內餡鮮嫩多汁，鮮蝦肉大大隻，材料豐富，口感順滑蔬菜也有很多款選擇，菜心苗，生菜，皇帝菜，娃娃菜，蘿蔔，萵筍，通菜，今日揀咗皇帝菜，蔬菜呈鮮綠色，夠晒新鮮，又洗得乾淨飲

今日朋友帶我嚟到元朗 食呢間港式火鍋 老闆火鍋冰室 一嚟到就覺得好有港式風味😗 坐低睇睇餐牌 晚市有放題😋 我哋揀咗美國安格斯牛頸脊套餐～ 我哋唔揀雞煲 直接揀埋火鍋湯底 揀咗椰汁花膠雞鍋～ 揀咗套餐同埋湯底之後 就直接出去拎嘢飲同埋調味料飲品選擇都有唔少😌 拎咗嘢飲就返去用QR code落火鍋材料啦😬 椰汁花膠雞鍋湯底好快就嚟咗～ 好香椰汁味 有好多花膠😍 店員仲好細心幫我哋教細啲個火 提我哋食咗啲雞先等啲湯滾咗 二話不說 即刻飲返碗湯先😍 好清甜嘅椰子香味😋 雞肉好滑 花膠軟腍腍有膠質 好味🤤 兩位以上入座 送星級海鮮拼盤 同埋即炸響鈴一份 估唔到係送大閘蟹😀 大閘蟹熱辣辣拎拎上枱 拆開勁多膏 新鮮又好味😗 即炸響鈴真係啱啱炸起就拎俾我哋 上枱嘅時候勁香脆 淥一淥就食得😌 美國安格斯牛頸脊呢個真係必點👍🏻 油脂分布平均 肉有牛味 淥幾秒就食得 更加厲害嘅係 淥耐左都唔會覺得柴 大推！ 炸芋頭呢個都係必點！炸完嘅芋頭外脆內軟 淥返熱 吸咗啲湯底 好入味😋 整體嚟講 呢間 老闆火鍋冰室 食物質素不錯 店員服務態度良好 食物種類有好多 喺元朗打邊爐都係一個唔錯嘅選擇😌

依家冰室午餐份量size夠大，今次食咗咖喱牛腩飯，牛腩大大嚿都幾入味，份量都多一定食到飽飽咖喱普普通通，正常味道，唔會話難食，價錢正常，午餐諗唔到食咩可以再嚟食呢個

未入坐，店員話，一次性海鮮盤轉咗炸蠔同虎蝦，門口都寫咗，我覺得ok，無所謂，點完餐，職員再次講一陣會有炸蠔同虎蝦，食住先，仲問食唔食即炸響鈴，我話食呀，職員話轉頭拎黎，雞煲黎到，另外比咗一藍炸茄子同魷魚鬚，因為第一次幫襯，所以唔知係咪額外再送，食到中途問職員先知，佢地由海鮮盤轉咗炸蠔同蝦，再轉為茄子同魷魚鬚，越轉越cheap都唔緊要，但你要話我知，我覺得ok，咪幫襯，唔係要我問到先話呢個就係送嘅一次性嘅嘢，最後當然即炸響鈴都無啦，中途就見到職員開始刪餐牌資料，可能有人投訴，所以先去刪餐牌，本身我覺得職員係好有禮貌同服務好好嘅，同埋我知店舖有最後嘅決定權，但係我覺得你應該要通知個客，唔係你自己話轉就轉，仲要越轉越cheap，我覺得有被呃成份囉，所以我唔會再幫襯另外假如食雞煲，我覺得食$239個餐已經夠，因為$269個餐只係有多一兩樣牛（唔見得特別出眾）無謂每人比多$30

今日約左朋友係元朗食飯，天氣又凍左甘多，所以決定去食雞煲打邊爐，平時行過見到幾多人食所以今日見早小小無咩人就去試下佢有２個任食餐，一個２３８另一個係２９８，分別係貴既可以叫埋美國安格斯牛頸脊，朋友話難得食飯食好Ｄ，就決定食貴哥個，個湯底未上之前， 老闆娘就話依段時間做緊優惠送左我地一人一隻大閘蟹，雖然係送既，不過隻蟹既膏都幾多幾香口我地叫左胡椒豬肚雞煲，豬肚勁淋勁入味，超正，不過雞就係分開上就有小小失望，不過食落勁滑無雪味就原諒佢啦佢仲跟埋鮮炸響鈴，新鮮炸起熱辣辣真係好食好多，浸完湯一秒上黎又脆又有豆味又沾到湯汁味，必食！好彩加左６０蚊，牛頸脊明顯好食好多，牛味濃好多油脂分佈都好好多，不過牛肩胛都吾係餐既，都好食，不過有比較有傷害

星期六去，沒有訂座，大約6.30pm到三位不用等Order左任食雞煲 - 點了BB辣，惹味份量足，食完雞煲鍋底比較油膩，所以加$40轉芫茜皮蛋再打邊爐火鍋配料：一般：肥腸（有渣），炸魚皮（唔脆）有驚喜：爆汁牛丸，油炸鬼，送大閘蟹會再去。

涼涼地最岩打邊爐😍講到最抵食一定要搵啲任食既！！係元朗街坊啲社交平台 group經常見到佢既足跡😆今日終於黎試試佢～老闆火鍋冰室裝修勁靚仔～坐得好舒服同男朋友都決定食貴少少～揀左美國安格斯牛肩隻套餐，一個人$298可以食足兩個鐘🙂‍↕️兩位以上入座送升級海鮮拼盤及即炸響鈴一份！！仲可以無限追加牛、火鍋配料同埋任飲汽水😙湯底方面有五款可以揀～我地揀左芫荽皮蛋鍋可能係大閘蟹當造既關係～今次黎竟然有大閘蟹食取代左海鮮拼盤！！感覺賺左😆今日既主角😍美國安格斯牛頸脊（右）超級重牛味！！咬落一啲都唔un ～ 果然夠高質！！牛柳粒（左） 一啲都唔輸蝕😚未試過牛柳粒係咁鬆軟同juicy美國prime grade牛肩胛(右上）都好香牛味～當然對比牛頸脊會差少少但都好味😋特級牛舌（右下）厚薄度岩岩好～打邊爐一流仲有鮮牛肉可以叫添！火鍋配料叫左冬菇、墨魚丸、芝心丸、淮山、蘿蔔、水魷魚、芋絲、海帶等等 最後當然要叫返個稻庭烏冬😋完美！

今年秋天雖然比起往年嚟得有啲遲，但係趁住天氣開始有啲轉涼，就係時候做香港人最鍾意做嘅嘢—食雞煲打邊爐😁🤣嚟到元朗一帶搵食，今日食呢間老闆火鍋冰室，睇落裝修有啲香港懷舊冰室感覺😈秋風起就係食大閘蟹時令季節，呢度坐低就會每人送一隻先😜🤪蟹膏豐富，蟹肉肥美，真係冇得頂呀😋我哋叫咗個小辣嘅雞煲，雞件份量好多，香噴噴好惹味啊😍上枱後職員會好好咁幫手炒勻啲雞👍確保係熟晒就會提我哋開始食🤪美國安格斯牛頸脊香港人打邊爐嘅話，枱面唔少得一份牛肉👻呢份牛頸脊賣相夠晒靚仔，油脂分布平均，睇見都流晒口水🤤食落口牛味濃郁，滿足晒咁多位食肉獸、牛魔王😃響鈴係即炸，上到枱仲係熱辣辣🥳年代先進，其他火鍋材料就係用QR code落單喇😝飲品櫃嘅選擇幾豐富，適合唔同口味嘅朋友仔😬難得可以出嚟食雞煲打邊爐咁盡興😆真係要整返兩罐汽水先至爽快架嘛🍹最近餐廳仲做緊啲優惠~

去元朗嘅老闆火鍋冰室真係食到停唔到口！佢哋嘅椰子雞煲真係一流，用純椰子水煲成湯底，唔單止清甜，仲帶有淡淡嘅椰香，飲落清新得嚟唔覺膩！雞肉浸足椰子味，好嫩滑，每一啖都係幸福嘅感覺。湯底食到差唔多嘅時候，再加啲肥牛、魚丸同埋海鮮，真係爽到爆！最驚喜嘅係，佢哋仲有蟹皇，啲蟹膏豐滿又鮮甜，一啖咬落去係勁滿足！自助區仲有好多配料，海鮮選擇多，仲有啲新鮮嘅流浮山蠔，食落都好鮮甜彈牙。最後，餐後仲有任食雪糕，可以自己拎，啱晒食完熱辣辣火鍋後嚟個冰涼嘅收尾。總結嚟講，老闆火鍋冰室無論係價錢、食材質素都好值得！呢個價錢可以任食兩小時，真係抵到爛！推薦俾所有鐘意食火鍋嘅朋友，下次有機會一定要嚟試吓！

今日同班friend 入左黎元朗，夜晚天氣開始涼涼地，我地一致決定打！邊！爐！朋友介紹呢間老闆火鍋冰室，佢有兩個價錢揀，$238/$298, 而家做緊9折優惠，我地揀左$298.$298 可以住食120分鐘，係上火鍋之前先上雞煲食到一半先記得影相🤣我地4個人有一隻雞，雞好入味，唔會好鞋👍本來仲包左一個海鮮拼盤，我地唔要，轉左每人一隻中閘蟹，都ok 大隻架👍啲牛上枱喇！雖然個賣相唔靚，但都幾重牛味喎，我自己覺得唔差👍朋友仲叫左雞子（唔好意思影得矇左），我唔食的但我朋友話好新鮮

去到元朗，看完下午場，果然是少了人看戲。行過「老闆火鍋冰室」，忽然是想吃鷄煲又想吃牛肉，就走進這間別有一番懷舊風味的店舖裡。「招牌老闆香辣雞煲」似乎是這店的招牌，不過今天不想吃太濃，點了一鍋「胡椒猪肚鷄煲」。鷄件既然可以追加，先來半份。鷄肉肉質口感都算是水準以上。當然新鮮的肉類食品，永遠配搭上熟練的煮食感覺，才永遠不會浪費了食物的鮮味。兩人同行，附送了兩雙大閘蟹，膏多肉滑，不愧是當時得令。旣然選了牛頸脊套餐，自然盡點美國安格斯牛頭脊，美國PRIME GRADE 牛肩胛，牛板腱及特級牛舌。順帶一提，即炸響鈴，名副其實，即炸脆身，口感一流。當然牛肉的雪花尚算均衡，一熟即起，入口爽。免費汽水外，亦有不少免費火鍋配料，唯一缺少了免費的魚肉類。這小店亦有一些配料要付費。看隔離枱的賣相，相信亦性價比甚高。

晚市兩位以上就會送一份海鮮，估唔到係一人一隻大閘蟹，蟹乸雖然唔算太大隻，但係揭開蟹蓋都見到有超多膏，打邊爐前意外食到大閘蟹係開心嘅🦀我地叫咗椰汁花膠雞鍋，可以揀半隻或者一隻雞，椰汁湯底呈奶白色，帶椰香，花膠都有幾塊，隔離枱食招牌雞煲，炒起嚟超級香，下次可以試下！美國安格斯牛頸脊套餐嘅牛肉有牛頸脊、牛肩胛、牛板鍵、牛舌，色澤鮮紅，切得有厚度，肉質唔錯。丸類嚟講，濃汁牛丸同埋豬骨湯貢丸都係有質素嘅，咬落好juicy，唔係最平嗰啲丸。依度內臟類嘅火鍋料都有唔少，例如雞子、鵝腸、生腸、粉腸、豬潤......飲品係自助嘅，基本汽水、茶嗰啲都有、不過整體款式就唔算太多

元朗任食火鍋❣️叫左🥩 美國安格斯牛頸脊套餐（$298一位）❣️可以揀雞煲或自選火鍋湯底💕 小編就揀左胡椒豬肚雞煲加半隻雞😙 啲雞件好大件～啖啖肉😝 豬肚份量超多～ 食雞前飲番啖湯，好暖胃☺️ 秋天食超正～兩位以上入座仲會送星級海鮮拼盤一座同即炸響鈴一份😍 估唔到送大閘蟹！好鮮甜🥰🥰除左牛頸脊仲有好多款唔同既牛可以揀，例如牛肩胛、牛板腱、牛舌😋 仲有其他追加任食既配料😙 小編就推薦炸魚皮同水魷魚，真係煮完出黎都冇縮水🤣係後方仲有個免費飲品區同醬料☺️ 選擇唔多但勝在都係啲大路既野，例如汽水、仲有解茶😍 非常正～就黎冬天，打邊爐季節，大家黎元朗都可以過黎一試😍😍😍

呢間係元朗一間出名好好食嘅冰室，平時我早餐都成日會嚟食，今日嚟試吓佢個火鍋雞煲放題，都好抵食120分鐘 ，人頭$200左右今日食安格斯牛套餐送大閘蟹，大閘蟹啲膏好多，肥美鮮甜！開始入秋啦，係食蟹嘅季節👍🏻😍😍😍😍雞煲可以無限追加，雞肉新鮮嫩滑，食完雞煲開始打邊🫶🏻一次過滿足晒三個願望🌟 呢度啲牛肉真係好新鮮，牛肉愛好者推薦你去，任食安格斯牛頸脊、豚肉、雞子都有🤭另外仲有好多其他火鍋配料選擇…食物質素好OK，十分新鮮，湯底濃郁！火鍋配料亦有送一次海鮮類· 時令,新鮮驚喜😋入秋啦，開始係打邊爐嘅季節！如果你未食過呢間老闆冰室，身為元朗人嘅我推薦你食吓👍🏻老闆火鍋冰室 (元朗)📍元朗昌盛徑18號元通樓地下9-10號舖

#ftf_元朗高質雞煲火鍋任食晚市而家做緊優惠，$268就有得任食雞煲，無限追加雞，以及美國安格斯牛頸脊，仲有多款種類嘅海鮮同火鍋配料，兩位入座，而家仲送大閘蟹，性價比極高！椰汁花膠雞鍋 ⭐️⭐️⭐️⭐️⭐️湯底鮮甜，椰汁味香濃，雞肉嫩滑，花膠厚身，滋潤補身之選！特別推介：⭐️美國安格斯牛頸脊肉質鮮嫩，牛味香濃，油脂分布均勻。⭐️美國PRIME GRADE 牛肩胛牛肩胛更有脂香，口感嫩滑。⭐️ 炸響鈴香酥脆薄有豆香。⭐️炸芋頭香口夠粉，食到勁飽，都有種魔力，令人一口接一口！⭐️豬潤唔粉，鮮嫩爽口。⭐️墨魚丸調味出色，夠彈牙。⭐️各類蔬菜及金菇新鮮，鮮甜爽脆。🍴 老闆火鍋冰室 (元朗)📍 元朗昌盛徑18號元通樓地下9-10號舖回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕